الـدخيل

بارت ٢٧

-

يدخل للشقه و ابتسامه منوره وجهه، يشوفه علي و يبتسم له "دوم ان شالله لشنو هالفرحه؟" يسأله و يرفع طلال جتفه حاط كتبه على الطاوله

"تذكر مشاري؟" يسأله و علي يهز راسه

"قال لي ان يبي يطلع معي اليوم كموعد بيننا قال لي انه معجب فيني و ما انكر علي انه مز والله!" يبتسم له و تختفي ابتسامة علي خاز طلال

"مشاري؟ موعد؟ اليوم؟ مو مفروض انك يعني مفروض انك تروح السينما مع فهد اليوم قال لك؟" يسأله و يحك طلال رقبته من ورا

"مدري بيتفهم الوضع فهد يعني امون على فهد اقدر اقول له اما مشاري ما امون عليه فشله اكنسل" يقول له و يدخل فهد الصاله معاه مطرقه ودسوس و رافع شعره لورا واضح انه معرق

"بسم الله شفيك؟" يسأله و يهز فهد راسه

"كليت تبن.. بروح اخذ شور مشعل لا يقرب من المطرقه" يقول لهم و يروح لغرفته حاط المطرقه عالطاوله

"و طلال الفلم ترى حجزته الساعه ٥ ونص نطلع تمام؟" يسأله رايح لغرفته و علي يخز طلال

"روح كلمه!" يقول له و يقلب طلال عينه

"مقدر انت قول له تكفى" يقول له و يقلب علي عينه واقف من مكانه

"ماراح اقول له عندك لسان" يروح للمطبخ و يوقف طلال من مكانه رياح لغرفة فهد بتوتر و يطق الباب، يفتح فهد قفل الباب و يبتسم لطلال اللي دخل الغرفه

"امر" يطالعه و طلال يحك رقبته من ورا

"تذكر مشاري؟" يسأله و يهز فهد راسه ينطره يتكلم "اليوم عزمني على عشا.. و وافقت نسيت تماماً عن موضوع سينما اسف فهد" يقول له باعتذار و فهد يرفع حاجبه

"كلمتك امس! كلمتك قبله انا تقدر تعتذر بأنك ملتزم بشي ثاني" يقول له و يهز طلال راسه

"عارف بس نسيت والله ماقدر الغيه ما امون عليه لذي الدرجه يعني اما انت.. يعني تقدر تأجل صح؟" يسأله و فهد يطالعه بخيبه، توقع اليوم بيكون لهم اثنينهم لكن خابت توقعاته و كل اللي راسمه ببالهم ممكن يكون بينهم بهاليوم

"لا مو صح.. حجزت التذاكر اول ما وافقت الفلم كنت متحمس اشوفه وياك لكن خلاص صار من نصيب مشعل" يرفع جتفه و طلال يتنهد يطالع بعين فهد اللي واضحه الغيره و الزعل منها

"لا تحسسني بالذنب انا اسف اوعدك لنا طلعه مره ثانيه" يقول له بابتسامه، مقرب بيبوس خد فهد، لكن رفع فهد راسه مبعد وجهه عن طلال و رجع خطوتين لورا و يسحب ملابسه من السرير، كان مطلعهم يفكر شنو يلبس

"سكر الباب وراك" يقول له و يرد ملابسه بكبته، طلال يتنهد ملتفت طالع من الغرفه و يسكر الباب بدون لا يلتفت، يحط فهد منبه للساعه ٤ العصر و يفصخ ملابسه نايم