الـدخيل

بارت ٦٢

-

يرجع للشقه يلقى طلال نايم واضح بالعمييق و مشعل قاعد على ظهر طلال، و بايده ايباده و سماعات

"مشعل قوم بسك عينك عورتك من الايباد" يقعده و مشعل مو معاه ما يسمع شيقول عينه على ايباده، و السماعات باذنه

قرب منه شوي شوي و حرك ايده جدامه علشان ما يخرعه و رفع راسه بسرعه له

"جيت بسرعه" يقول له و يبتسم له فهد

"قوم حبيبي بدل بطلعك عينك عورتك من الايباد" يقول له و ينزل مشعل بسرعه راكض لغرفته و طلال حس فيه و فز لف لفهد

"حبيبي ليلحين يعورك ظهرك؟" يسأله فهد مدخل ايده لظهر طلال تحت التي شيرت و يمسح عليه

"اممم شوي" يتنهد و يبوس فهد جتفه

"قوم رفه عن نفسك شوي بطلع مع مشعل اطلع معاي" يقول له و طلال متروس نوم بعينه يطالع فهد بعين مفتوحه و عين مغمضه

"مدريي فهد بناام تكفى ياخي بنام" يقول بنعاس

"يا حبيبي بسك نوم بسك بس نايم شفيك؟" يسأله حاط ايده على جبهته، و طلعت عاديه مو واضح عليه حراره

"وين بتروح معاه؟" يسأل طلال قاعد عدل و كأنه يبي يصحصح شوي

"بوديه بروي بالافنيوز بعدها بغديه برا و يروح لعيال عمه الولد عيونه تعبت من الشاشات" يقول له و يتنهد طلال

"طيب ماللي خلق وربي اقوم و ابدل  و معرف ايش" يتمغط يتعب و يبوس خده فهد

"طيب انا اسفه قلبي عورت لك ظهرك اليوم جد عبالي تتدلع امس مافيك شي بليل يعني مو جذي فجاءه عرفت؟" يسأله و يبتسم له طلال

"انا منتظر هالاعتذار اصلاً!" يضحك بخفه و يضمه فهد بايس رقبته

"قوم صحصح يا حبيبي انت يلا" يقول له واقف من مكانه بس طلال يمسك ايده

"فهد بما انك بخير الحمدالله و انا بخير يعني عارف من بعد الحادث تعبنا مره فالمهم يعني بروح لاهلي كذا كم يوم اسبوع و برجع بما ان عطلة بين الستمسترين و كذا" يقول له حاط هالفكره بباله و ماراح يغيرها هو بس يعطي فهد خبر لانه مشتاق لاهله

"متى!" يسأله فهد

"مدري" يرفع جتفه

"طيب براحتك بس بلغني قبلها انا بشوف مشعل ليش تأخر" يقول له واقف من مكانه و يوقف طلال معاه رايح لغرفتهم

-

"هالشي دمرك؟" يسأله علي

"لا ما دمرني تقدر تقول تعبني و افضل شي فيني اني ممكن اكون بارد جداً لو اذاني شخص و بتركه بسهوله فهالشي يتعبني ما يدمرني ابداً" يقول له و يهز علي راسه منزله لتحت

"قول لي عنك ليلحين تحبه؟" يسأله و يرفع راسه يطالعه

"لا ما احبه.. ممكن.. ممكن يكون.. مادري تعرف شعور الصدمه مختلط بشعور القرف بشعور الحب مع الكره بالغثيان مستصغر نفسي بأني صدقته و خليته... دايماً افكر هل هي غلطتي بأني تركته و وثقت فيه؟ هل هي غلطتي من البدايه؟ و اقول لنفسي لا انت سويت الشي الصح انت وثقت فيه هو رجال مو بزر تخاف انه يلعب بذيله و احياناً اقول غلطك لانه تركته مع غيرك.. فمادري بالنهايه يعني اوصل لنقطه وحده ان انا و وياه ماراح نرجع لبعض" يقول له و يبتسم زياد ابتسامه خفيفه يبي يطمن علي