الـدخيل

بارت ٤٨

-

-

"دق عليهم شوف احد منهم يبي ماك؟" يسأل خالد و هو بالدور بالسيارات عند المطعم، يدق علي على فهد يحطه سبيكر و خالد يمد ايده و يمسك ايد علي و يبوسها، يبتسم علي و ينطر فهد يرد

-

"هلا عليوي" يرد فهد و يرفع تي شيرته من تحت و ايده يحركها على بطنه و طلال رجع يدرس بعد ما شبعوا بعض بوسات

"احنا بماك تبون شي؟" يسأله علي

"عمري تبي شي من ماك؟" يسأله فهد و يلتفت طلال و يهز راسه و التفت كمل دراسته

"امم.. مشعل نايم ووو... منصور و انس توهم ماكلين عازمهم توني و طلال قال-"

"اخلص علينا!" يقاطعه خالد بقلة صبر و يضحك فهد عرف انه استفزه

"زين لا تبجي اطلب لي قراند ماك تشكن و اذا نسيتوا التشييز انت و وياه بترجعون تعدلونه فاهمين؟ و لشعولي طلبوا هابي ميل بس ميرندا" يقول لهم طلبه

"مو تقول مشعل نايم؟" يرد علي

"اي بعد عمري نايم من العصر بيقوم بعد شوي جوعان فاطلب له" يقول له و علي و خالد مالهم الا يوافقون

"تمام شي ثاني؟" يسأله علي

"اي أكد ان اللعبه داخل لعبة صبيان فاهم؟ و قول لهم لا يحط ثلج بالميرندا مالي خلق يمرض علي و انا خل يحط لي ثلج و جيبوا معاكم ماينيز ما عندنا و صمونة مشعل ساده ولا ماراح ياكل ترى و كثروا كاتشاب" يقول لهم متعمد يغثهم بطلباته

"عندنا كاتشاب!!" يرد خالد و يبتسم فهد بس يتصنع الجديه بصوته

"اي بيعطونا واحد ببلاش نخلص اللي بفلوس ليش؟" يرد ممثل العصبيه و يقلب خالد عينه يضحك علي

"يا ساتر!! زين زين باي" يسكر علي بوجهه و يضحك فهد مبعد التليفون عن اذنه

"عندنا ماينيز و كاتشاب!" يلتفت طلال لفهد و يهز فهد راسه

"ادري بس بغثهم" يقول له و يضحك طلال ملتفت يكمل دراسته

"جم باقي لك؟" يسأله فهد بملل

"عشر صفحات كذا و اخلص الكميه" يقول له و يعتدل فهد بقعدته و يسند نفسه على ايده من ورا

"زين و متى الفاينل؟" يسأله فهد و يلتفت طلال و يحك تحت اذنه بالقلم و واضح تعبان

"بعد.. بكرا؟ اتوقع؟ اي بعد بكرا" يقول له و هو يحاول يتذكر

"ما تدري متى امتحانك؟" يسأله فهد و يبتسم طلال بكسل و هو يتمغط

"بلى بس مشتت عقلي مو ذاكر زين بجوالي الجدول" يقول له و فهد يسحب ايد طلال و يبوسه

"تمام ليش ما تدرس باجر العشر صفحات؟" يسأله و طلال حس انه ثقل علي فهد