الـدخيل

بارت ٣٥

-

"عمرك جربت تفضفض لبحر؟" يسأله فهد و يضحك طلال على سؤاله

"من الرياض انا" يقول له و يضحك فهد

"كنت احاول ادش جو معاك" يقول له و يبتسم طلال

"محاوله فاشله" يرد عليه و يبتسم فهد و عينه عالبحر، المدى اسود ما يشوف منه شي، غير الليتات السفن و الباخرات البعيده، و المناره بعيد عنهم لكن يشوفونها، صوت الامواج الخفيفه و اهيا ترتطم بالشاطئ، و الهواء البارد المنعش اللي جاي ناحيتهم من جهة البحر

"لكن طول عمري كانت لي نظره سيئه للبحر.. ما احبه رغم جماله لكن فكرة ان في عالم ثاني كامل من مخلوقات غريبه بداخله ما تريحني" يرفع طلال جتفه

"ما عمري فكرت بهالشي كنت اتأمل سطحه بس.. لكن فكره فعلاً مرعبه ترى لو تفكر ان في مخلوق اضعاف حجمك بمليون مره داخل" يرد فهد و يسند نفسه على ايده من ورا

يفصخ طلال جوتيه مع دلاقه، و يحطهم على جنب، و فهد يطالعه يبي يعرف شيسوي

يوقف طلال و ينزل من الصخور على التراب و يقعد، يلتفت لفهد و يبتسم له، لكن مو شايفه فهد غير هيئته من بعيد "تنتظر دعوه؟" يصرخ طلال علشان يسمعه، و يوقف فهد من مكانه و ياخذ جوتي طلال معاه و يروح له

"اقعد معي و شاركني امنياتك و مخاوفك" يقول له و يقعد فهد جنبه

"اول امنيه لي.." يتنهد فهد و عينه على البحر، لكن طلال يطالع فيه، و كأنه يحاول يحفظ ملامحه

"اني اكون قريب من امي.. اشتقت لها حيل بكون قريب من اهلي من اخواني لكن ابوي مانعهم و مانعني من ان نقرب لبعض" يقول له و يبتسم له طلال بأسف و يطالع بالبحر

"انا امنيتي اني اعيش برا سعوديه.. و مو لان فيها شي لكن ابي اترك كل شي ورا ظهري ابي اجرب عيشه جديده مختلفه ابي استقر فدوله تماماً و اندفن فيها" يقول له طلال و يتنهد فهد

"امنيتي اني ابقى مع مشعل للابد خايف من انه يكبر و يعرف اني مو ابوه من شخص غيري توه صغير على انه يعرف اني مو ابوه البيولوجي" يقول له و يبتسم طلال

"صدقني ذا الشي ممكن يصدمه لكن مستحيل يكرهك و خصوصاً لو كان كبير كان بيتفهم اسبابك انك ما قلت له مو معقوله ولا بالعقل بأنك بتقول لطفل امك و ابوك ميتين و انا زوج امك لكن عاملني مثل ابوك وقتها صدق بيكرهك" يقول له رافع جتفه

"صح لكن .." يسكت و يضحك متذكر مشعل و يبتسم "هالصبي من دخل حياتي غيرها ١٨٠ درجه خلاني افكر فيه قبل لا افكر فيني شعور حلو شعور الابوه ان يكون في انسان صغير يعتمد عليك بحياته كلها ممكن تكون مخيفه لكن بنفس الوقت لو تفكر فيها بتستانس انه يشوفك افضل انسان بالعالم ولا يمكن يطلع منك الغلط و انك تعرف كل شي و انك ملاك" يقول له و يبتسم طلال ابتسامه واسعه و يهز راسه