الـدخيل

بارت ٢٨

-

يقعد فهد و يلقى طلال نايم جنبه، يسحب تليفونه و يلقاها الساعه ٩:٣٠ الصبح!، يهز طلال بقوه و يرجع اهوا يغمض عينه من الكسل لكن قاعد يقعد طلال

"قووم يا صبي عندك محاضره" يهزه و يتنهد طلال فاتح عيونه يخز فهد واضح انه معصب

"قوم يلا محاضرتك لا تتأخر الساعه ٩ ونص" يقول له و يعطيه فهد ظهره و يرجع ينام

"يعني انت تستهبل؟ ولا حيوان بالفطره؟ ولا شوضع اهلك؟" يصرخ عليه طلال و استوعب فهد و التفت له عاقد حاجبه

"شفيك تسب؟ جامعتك يا خرا" يصرخ عليه بعصبيه و يوقف طلال من السرير

"اليوم الجمعه!" يقول له و تتسع عين فهد و طلال يسحب تي شيرته و فهد يشوف اليوم بتليفونه و يطالعه و يضحك

"اسف قعدتك! اسف تعال ارجع نام" يقول له و يخزه طلال و واضح ليلحين فيه النوم

"كل تبن" يسكر الجاكيت، و يسحبه فهد من ايده للسرير، و طلال ما قاوم لان تعبان و نعسان، حظنه فهد، و راسه على صدر فهد، و فهد ايده حوله، و يلعب بشعره

"نام يلا" يقول له بابتسامه انه نايم بحظنه، و بخفه يبوس راس طلال لكن طلال حس فيه لكن ما علق او سوا شي

"افكر نطلع كلنا اليوم نتعشى من زمان ما سويناها تبي؟" يسأله فهد و يتنهد طلال

"تؤتؤتؤتؤتؤ ابي انام!" يقول له بتعب، و يطق فهد راسه بخفه ما عورته

"هذا جزاتي ابي اطلعكم!" يقول له و طلال يطلع اصوات واضح انه متضايق من فهد

"وربي لو صدرك مو مريح بس! فهد ابي انام تكفى يا رجال الساعه ٩ الصبح وش فيك؟ تكلمني عن العشا دحين؟" يتحلطم و يضحك فهد و صدره تحرك من الضحك و رفع طلال راسه بانزعاج و عطاه فهد ظهره و نام

"و زيناه الزعلان اللي يبي ينام! العب بشعرك؟" يسأله و طلال اكتفى بأنه يرد بـ"اممم" كموافقه انه يلعب بشعره

"لي متى بقعد العب بشعرك؟ بقوم انا" يقول له فهد متعمد يزعجه

"غصبتك انا؟ انت اللي سألت" يرد عليه بصراخ واضح عصب

"زين بقول لك شغله صحصح" يقول له و طلال يلتفت يطالع فيه

"بس طار النوم قول لي" يقول له حاط ايده تحت خده و يطالع بفهد

"عيونك حلوه" يقول له و طلال نبضاته تسرعت و فهد زادها لما قرب منه و باس رقبته، و استنشق ريحتها، و بعدها باس مره ثانيه، و هالمره طول و طلال بطنه حاس انه بينفجر و عينه متسعه حاس بانفاس فهد على رقبته، و بعد فهد بابتسامه، و طلال مصنم بمكانه من الصدمه

'ليش يسوي هالحركه هذه؟ وش قصده؟ طلال لا تزودها ترى كلها بوسه عادي ممكن يبوس اي احد كذا!.. لا مب اي احد! مب اي احد يخليه ينام معاه بصدره و يلعب بشعره و يبوس رقبته! يبوسها مرتين مب مره وحده بعد'