الـدخيل

بارت ٦٨

-

يفتح عينه يلقى منصور جنبه نايم على بطنه يده تحت خده و شفايفه متفرقين شوي و حاجبه مجعد و يبتسم متذكر ليلة البارحه و يرفع ايده لاعب بخصل شعر منصور، و هو يتأمله، ملامحه حاده و ناعمه! يشبه اخوه فهد، اسمر شوي مثل لون التان، و عيونه مكحله رموشه كثيفه و حواجبه حاده، و له نظره بريئه تعكس ملامح وجهه، يفتح منصور عين وحده و يشوف ثامر قريب منه و يبتسم له

"شعندك تتأمل فيني؟" يسأله و يبتسم ثامر له

"ما عندي شي.. بس عاجبني" يقول له و تتسع ابتسامة منصور و هو يرجع يغمض عينه

"ابيي انااااام ثامرر فيك النوم؟" يسأله

"لا احس شبعت بترجع تنام؟" يسأله و يهز منصور راسه بكسل

"زين تنام فحظني؟" سأله بتوتر و منصور دق قلبه حاس بفراشات فبطنه لكن ما رفض، قرب منه و غمض عينه على صدر ثامر العاري تماماً بس منصور لابس بوكسر، و يلف منصور يده حول خصر ثامر و ثامر لف يده حول منصور صار راس منصور تحت فك ثامر

"حظنك دافي" يتكلم منصور و يبتسم ثامر و هو يحرك انامله على كتف منصور العاري

"منصور" يكلمه و يهمهم منصور كاجابه

"عادي تطلع معاي اليوم للعشا.. ك-كـ.. يعني كموعد؟" يسأله و هو متوتر و منصور فتح عينه و رفع راسه يطالع فثامر، و بعد عنه ساند نفسه على يده و ايده الثانيه صارت على بطن ثامر و يد ثامر نزل لخصر منصور

"ثامر انت من اللي صار امس بليل لا تقول انك حبيتني!" يكلمه و توهق ثامر و نزل راسه بسرعه

"لا ما حبيتك من اللي صار امس.. انا حابك من زمان لكن ما تأكدت توقعتها مشاعر حب بين اي صبي و صاحبه عادي كنت اتجاهل شعوري و الغيره اللي بقلبي لما اشوفك معاه و ابلعها بس بعد ليلة امس تأكدت لما بستك حسيت بشعور عمري ما حسيت فيه من قبل شعور ابي احس فيه اكثر و اكثر و اكثر كنت ابي ادمن على شفايفك ابي احس فيها طول الوقت ابي انام و انت فحظني بين ايدي عارف انك لي و قلبك لي و قلبي لك ابي اغمض عيني و انا مبتسم ان اخيراً الشخص اللي احبه ما ينام فاحظان غيري.. و لاني صاحب انس بعد كنت اعرف ان انس مو الانسان المناسب لك كنت متوقع شي مثل هذا بيصير شي انت ما تستاهله انسان قلبه مثل قلبك ما يستاهل اللي صار له لذا عطني فرصه منصور اوريك شنو اللي يستاهله قلبك عطني فرصه" يقول له

منصور توتر اكثر التفكير بالحب يوتره و يخوفه هذه مو اول ينخذل فيها من حبيب و ينترك، ما يبي شعوره يتكرر من جديد ما يبي الايام اللي مر فيها تتكرر

"ثامر.. ثامر مادري خايف من الحب قلبي مرتاح جذي تكفى.. خل يكون بيننا اللي يصير بس كاصدقاء سو اللي تبي بس كأصدقاء مابي تكون بيننا مشاعر تكفى" يهز راسه للجهتين و ثامر فهم ان هذا رفض صريح من منصور