الـدخيل

بارت ٤٢

-

يدخل مرزوق للشقه، و طلال فز وقف من الصاله و راح للباب لقى مرزوق و واضح متضايق، "وشفيك؟" يسأله و يهز مرزوق راسه بـولا شي

"طيب تقدر توديني لفهد؟ الساعه ١١ ما رحت له اكيد صحى" يسأله بأمل انه يوافق لكن مرزوق نفسيته قافله معاه

"اسف طلال ماقدر" يقول له و شاف نظرة الحزن على طلال و يتنهد

"المشكله مب لاقي تاكسي زق واحد" يتحلطم، و يدخل للصاله ينطر خالد يقوم الباب عليهم مقفول و ما يردون

"اوكي امش اوديك" يناديه مرزوق و فز طلال واقف من مكانه

"متأكد؟ اذا ما تقدر عادي" يقول له خايف يثقل عليهم حاس انه ثقيل عليهم و فهد مو موجود معاهم

"اي اكيد و بشوف فهد انا ما شفته امس" يقول له و يبتسم طلال

"طيب يلا" يقول له و يطلعون من الشقه و يسكرون الباب وراهم

-

"اليوم تقدر ترجع للبيت صحتك الحمدالله تمام بس الكسور بيشفيها الوقت لكن انت لا تجهد نفسك بالمشي تمام؟ خل اللي حولك يساعدونك باللي تبيه" يقول له دكتور عبدالعزيز، و يدخلون طلال و مرزوق، و مرزوق قلب عينه لما شاف عبدالعزيز و راح قعد عالقنفه و طلال قعد عند فهد

"خير يا دكتور عسى ما شر؟" يسأله طلال بخوف و فهد فرح لشوفته اهتمامه

"ما شر ان شالله بس اليوم يقدر يرجع للبيت اذنت له" يبتسم له بخفه واضح مزيفه لكم ما اهتم طلال اللي فرح و طالع فهد اللي ابتسم له و رجع يطالع الدكتور

"جد والله؟ يعني يرجع للبيت خلاص ولا في مواعيد بعدها؟" يسأله

"لا طبعاً يرجع لكن من فتره لفتره للجبس" يقول له و يهز راسه طلال له و ما يقدر يمنع نفسه من انه يبتسم

"تمام مشكور دكتور" يبتسم له و يبادله الدكتور الابتسامه، يطلع و ما حط عينه بعين مرزوق اللي كان يطالع اظافره يلعب فيها، ولا مهتم بأن فهد بيطلع، او بالاصح باله مشغول على انه ينتبه ان فهد بيرجع للبيت

"شفيك؟" يسأله فهد و طلال لاحظ مرزوق متغير

"من جد وش صاير؟" يسأله و يهز مرزوق راسه له و يوقف من مكانه

"الحمدالله على سلامتك بترجع لبيتك الحين اريح لك من المستشفى جوها ينكد" يحاول يضيع السالفه بابتسامه واضح مزيفه

"طلول حبيبي وقع اوراق الخروج" يقول له فهد يحاول يستفرد بمرزوق، و طلال فهم ان يبي يكون مع مرزوق بروحه

"تمام" يبتسم له طلال و يطلع من الغرفه مسكر الباب وراه

"قول لي شفيك؟" يسأله و مرزوق يقعد عالكرسي

"مافيني شي" يقول له بهدوء و يلعب بشرشف السرير، و حاس ضيق الدنيا كلها فيه

"عن متعب؟ يدري عن الدكتور؟" يسأله و يرفع مرزوق راسه بسرعه يطالعه بصدمه و توتر