الـدخيل

بارت ٥٥

-

يدخل اياد للفندق و يلقى علي على الكنبه بالفندق و يروح له، ينتبه له علي و يوقف بسرعه و يحط جنطته على كتفه

"حجزت و لا نحجز من جديد؟" يسأله اياد

"حجزت و خلصت بس باقي اثباتات و الدفع" يقول له بهدوء و هو متفشل من نفسه

"تمام خلك هني" يربت على كتفه و يروح للرسبشن يشوف الغرفه اللي حجزها علي و دفعها له و سجلت بيانات اياد عليها، و خلص

"علي" يناديه و يلتفت له علي بسرعه "يلا" يناديه و يروح له علي

"هذا هو الكرت مفتاح الغرفه تعرف وينها؟" يسأله و يهز علي راسه

"تمام.. تصبح على خير" يبتسم له و بادله علي الابتسامه كلها مغصوبه مو بمزاج انه يبتسم ابد، و بعد اياد طالع من الفندق و يروح علي للمصعد و يطلع للغرفه و يدخلها، يحذف جنطته عالارض و ينسدح عالسرير و ما حس بنفسه و رجع كمل نومته اللي قطعها اياد عليه

-

"نياف" يسمع صوت امه تناديه يزن فوق راسه، و فتح عينه يطالعها "نياف صحصح يلا صاحبك برا يقول اتصل عليه ما يرد قوم شوف وش فيه" تقعده امه، و نياف توقع انه صاحبه، يسحب تليفونه من الطاوله مو لاقي ولا مكالمه من احد!

يروح للحمام يغسل وجهه و يفرش اسنانه، ولابس شورت قصير رياضي، و بدون تي شيرت، فتح كبته و سحب جاكيت شايفه معلق، و لبسه و هو نازل من الدرج و يفتح الباب يلقى اياس معطيه ظهره و تتسع عينه و مسك جاكيته من تحت بيسكره بس سمعه صوته

"صح النوم وش هالنوم لحد الساعه اربع العصر!" يقول له مقرب له و نياف متوتر مليون، و سكر سحابه بسرعه، و طالع باياس و رجع شعره لورا يحاول يعدله

"سهرت امس للصبح ما حسيت بالوقت" يقول له و يضم اياس ايده لصدره

"سهران لاياد؟" يسأله بعبط، و نياف ضحك بخفه و هز راسه

"لا كنت اتابع مسلسل" يقول له و يبتسم له اياس

"عندي تدريب كوره الساعه خمس رايح له الحين روح غير تجي معي و بعدها نتعشى و نقعد ببيتي" يقول له و نياف مصدوم بأنه مقرر له و خالص

"طيب بقول لامي او-"

"قلت لها و تدري لك خمس دقايق يلا" يقول له رابت على كتفه

"وش اللي خمس دقايق حبيبي باخذ شور باقي ساعه عالتدريب انتظر" يقول له داخل للبيت و اياس اتسعت ابتسامته من كلمة حبيبي، و عارف ان ما يقصدها بهالطريقه لكن فرح فيها، و راح ينطره بسيارته

-

"توك قاعد؟" يسأله اياد و علي منسدح عالسرير ما تحرك و التليفون باذنه

"لا قاعد من الصبح" يقول له و ينصدم اياد

"و قاعد بالفراش؟ قوم قوم تحرك لحق على بوفيه الغدا قبل لا يشيلونه" يقول له بجديه