الـدخيل

بارت ٢٤

-

"منو اللي كان بالشقه؟" يسأله مرزوق و يتنهد متعب من كثر التفسير له لكن مرزوق مو راضي يفهم او حاس انه يجذب

"وربي وربي يشتغل بالفندق مرزوق شفيك تسوي من الحبه ئُبه؟" يسأله و يضحك مرزوق باستهزاء و يهز راسه

"اجي و القاك مع واحد بروب الحمام مو لابس ولا شي داخل و ضحككم واصل للاصنصير بس صح انا اللي اسوي من الحبه ئُبه" يقول له هاز راسه و مبعد عنه رايح للغرفه، و يلحقه متعب، و يقفل باب الغرفه عارف ان مرزوق بيبدل ملابسه و يطلع

"ماراح تطلع الا لما تصدقني! سوالف عاديه و ضحك-"

"و عينه على زبك" يصرخ عليه خلى متعب مصدوم و تنهد و مردوق فصخ تي شيرته فاتح الكبت و يسحب قميص اسود و يلبسه

"عالعموم اليوم بنروح البار؟" يسأله مرزوق ولا كأن شي صار، يطلع له بنطرون اسود جينز سكني، و يفصخ شورته و يلبسه

"اي.." يرد متعب بهدوء، و ياخذ بوكسر و يلبسه و يفصخ الروب، يفتح مرزوق باب الغرفه و يطلع من الشقه بكبرها تاركها لمتعب اللي قعد عالسرير مغطي عينه مو عارف شيقول له، مع انه ما خانه لكن مرزوق ماراح يفهم لان شاف الموضوع من زاويه غلط

"اهلاً" يوقف رجال اجنبي جدام مرزوق، نفسه اللي كان مع مرزوق

"ماذا؟" يرد بنفسيه، و يبتسم له الرجال

"كما اعتقد بأن الرجل اللذي معك هو حبيبك.. انا لم افعل شئ خاطئاً لا أُريد بأن يُسيئ فهمي لكن هو من يدفعني نحوه هو جميل انت محظو-" ما كمل كلامه الا ببوكس من مرزوق سدحه عالارض، شهق الرجال من الالم، و تفل دم، تجمع الناس حولهم و صراخ و السكورتي ركض للرجال

طالع فيهم مرزوق، و يطلع من الفندق بسرعه و دمعته على خده

-

"مشعل خلصني قوم انت قلت بتدرس" يصرخ عليه فهد و مشعل يبجي متمسك بمخدته

"انا طالع" يسمع طلال وراه طالع من غرفته رايح لباب الشقه

"اذا جيت و ما لقيتك قاعد بعاقبك" يصرخ على مشعل و يلحق طلال بسرعه و يروح له

"وين طالع؟" يسأله و يلتفت له

"ناقصتني اغراض و بخلص شغلي ابي اوراق للجامعه" يقول له و فهد شاك بالموضوع

"انا اوديك لحظه ابدل" يقول له ملتفت

"لا تتعب نفسك دقيت على التاكسي" يقول له

"لابس اللي عطيتك اياه؟" يسأله قاصد الجهاز اللي يحطه بملابسه و يهز طلال راسه

"دايماً معي ماراح اطول" يقول له و يطلع من الشقه، يروح فهد بسرعه يطل من الدريشه على الشارع و ثواني و يشوف طلال يتكلم بالتليفون و يركب التاكسي و يمشي التاكسي بسرعه، شك بالموضوع لكن مايبي يصير مجنون و مافي شي و يطلع بالاخر بشكل غبي