الـدخيل

بارت ٦٧

-

مر شهر كامل و هم على حالهم، كل شخص معاه اللي يلهيه و يسعده، الا حالتين استثنائيتين، خالد و ابراهيم، حس خالد انه مو منسجم معاه، يتخلفون باشياء كثير، و خالد مو مرتاح مع ابراهيم يكلمه على انه محقق بكل شي يحقق وياه، و اسلوبه جاف و سريع متسرع.. و ما حب طريقة تفكيره، يشوف المثليين للشهوه بس ولا الرجال مرده يتزوج بنت! تركه و حس ان مستحيل يلقى مثل....

علي مع ان زياد معاه طيب مره، و حبوب و يحس بيعوضه عن....، بس ما يقدر حتى يفكر بالموضوع و كلمه و فهمه و زياد تقبله و طلب عالاقل يظلون اصدقاء بس!

اما مرزوق و عبدالعزيز؟ غرقانين فالعسل ما يدرون عن العالم الخارجي، و فرحانين فبعض، لكن ما في شي بينهم شي رسمي غير ان مرزوق يدري ان عبدالعزيز يحبه، يبي ياخذها بحذر و تفكير قبل لا يتسرع فقرار يندم عليه

منصور مثل حالته يطلع و يرجع ينام فالسقه بس لكن فهد عارف تحركاته مع منو طالع و مع منو داخل ليلحين بباله انس و مو قادر ينساه، يكلمه بين فتره و فتره بالتليفون بس

فهد و طلال سافروا مع مشعل كم يوم لتركيا، طلال هناك تحول لطفل مع مشعل، يلعب معاه بكل مكان و يسابقه و يركض و يلحقه و ياكل معه، كأنها السفره علشان يكون مع مشعل مو مع فهد!، لكن فهد ما ضايقه هالشي حاب هالانسجام بينه و بين ولده

صار لهم يومين راجعين و قاعدين كلهم فالصاله، مرزوق قاعد جنب عبدالعزيز اللي حاط يده حول كتف مرزوق، و فهد جنب طلال لكن مسافه بسسيطططه بينهم، و خالد قاعد معاه ريد بول، يضحك و يسولف معاهم، و علي قام راح للمطبخ، و لاحظه خالد

خالد عرف عن انفصال علي من زياد، و علي عرف عن ابتعاد خالد عن ابراهيم، متذكر كلامه لما يجي يتحلطم عندهم فالصاله

«

"يبوووسس يعني ما عنده تفاهم كذا على طول بوسه كأني صاقع فطوفه شدعوه!! ولا اذا سولفت معاه اقسم بالله اني فتحت موضوع عن الجامعه و كذا بس فجاءه كذا بنهاية السالفه لقيتني منهيها عن اسلافي الميتين من كثر تحقيقاته! و رجال مشغول مب فاضي لامي هو مدري مدري احس كذا طاب خاطري منه ياخي" يقول لهم بغثى مطلع اللي بقلبه و علي ميت ضحك ماسح دموعه على طريقة خالد و هو يقلد ابراهيم

"و انت وش تبي يعني؟" يسأله طلال بضحكه، و تلاشت ضحكة علي منزل راسه يلعب بالمنديل

"مدري كذا واحد هادي ذكي عفوي ما يخليني احس اني طايح على طوفه لما ابوسه شخص رومانسي يقدر العلاقه شخص تقدر تسولف و تضحك معاه ولا تمل شخص صديقك قبل لا يكون حبيبك واثق فيه و عارف انه بير لاسرارك و يساعدك و تحبه و يحبك تحس بحبه من غير كلام كثير من وجوده تحس بدفى المكان و سعاده تحس تشوف الحياة بشكل غير بشكل احلى يعطيك سبب انك تصحى يعطيك سبب انك تنام علشان تصحى له بسرعه" يقول لهم و علي منزل راسه عارف ان خالد يتكلم عنه و كلهم حسوا بهالشي