الـدخيل

بارت ١٣

-

يوصل للكويت و ينزل محارب وياه و اهوا يتثاوب، يشوف طلال نازل و ولا عبره دخل للعماره و ركض وراه و سحبه من ايده

"وين رايح؟" يسأله و يجعد حاجبه طلال

"شقتي! برتاح ما ارتاح؟" يصرخ عليه، و محارب يهز راسه بالنفي و يترك ايده رايح للسيارته، بدون لا ينطق بكلمه و حسس طلال بالذنب

"اوه هلا طلال الحمدالله على السلامه" محارب يسمع صوت رجال، و يلتفت يلقى رجال بلبس الشرطه و نظارته الشمسيه عليه و زقارته بأيده

"الله يسلمك علي موجود؟" يسأله طلال، و محارب ينزل نظارته الشمسيه و يحط عينه على فهد اللي انتبه لمحارب بعد

"مادري ما اتوقع ما شفته داخل بس خالد و مرزوق فوق" يقول له و يهز طلال راسه، يدخل طلال معاه جنطته، و يصعد بالمصعد و محارب يتحمحم و ينادي فهد

"لو سمحت! عفواً اخوي بس منو انت؟" يناديه و يرفع فهد حاجبه

"تكلمني؟" يسأله مقرب منه فهد

"ايه انت اكلمك" يقول له و فهد يتفحصه من فوق لتحت

"انت منو؟ جاي مع طلال؟" يسأله و يهز محارب راسه

"ليه؟  قايلك عني شي؟" يسأله و يضحك فهد

"انت محارب؟" يسأله بسخريه

"ايه!" يرفع حاجبه، و فهد يتجاهله، ملتفت

"انت هيه! قاعد اكلمك انا!" يصرخ عليه، و يلتفت له فهد و بعصبيه يقرب منه

"هيه تقولها لابوك! تحترم نفسك و تثمن كلامك لما تكلمني تفهم؟ اذلف ماعندي وقت اضيعه مع اشكالك" يصرخ عليه و يروح لسيارته و يركبها، محرك من عنده رايح للمركز

محارب وقف بالحر و بين السيارات مو عارف وين يروح حاس طلعته مع طلال غلط، بس بنفس الوقت قرار زين انه بيظل مع طلال

يطلع تليفونه و يتصل بطلال، اللي قاعد مع مشعل و خالد جنبه

"نعم محارب؟" يرد عليه

"حلوه حركتك انك تتركني و تروح حبيتها!" يستهزء  و يرفع طلال حاجبه

"انا قلت لك لا تجي؟ تعال" يقول له الدور و الشقه، و يسكره

"كيف علاقتكم؟" يسأله و يبتسم خالد متذكر علي

"تمام من احسن ما يكون" يبتسم له و يبتسم طلال لابتسامته

"الله يخليكم لبعض.. والله يرزقنا" يرفع حاجبه و يضحك خالد و يضحك معاه

"فهد عند-"

"لا! تكفى! ما افكر فيه بهالطريقه و مستحيل ما اشوفه مناسب لهالشي" يقول له و يعقد خالد حواجبه

"مو اقصد اني اهاجمك بالكلام بس انت شايف فهد فيه شي؟ عليه شي؟" يسأله و يهز راسه طلال بالموافقه