الـدخيل

بارت ١٨

٣:١٦ الفجر

يطلع فهد من غرفته، بشورت بدون تي شيرت رايح للمطبخ، ينصدم لما يسمع اصوات طالعه منه و الليت مفتوح، يلقى طلال يحاول ياخذ شي من فوق يقراه

يروح له فهد بهدوء يمد ايده للي يبيه طلال و يشهق طلال ملتفت بسرعه و يبتسم له فهد

"بسم الله الرحمن الرحيم فهد!!" يعصب ماخذ العلبه من ايده و يروح لطاولة الطعام

"جني؟" يسأله و يلتفت له طلال و يستوعب انه بدون تي شيرت و تحمر خدوده عالخفيف، حاس بحراره فيها

"لا بس على الاقل تسلم او تكح تعطس تقول اي شي قبل لا تدخل" يقول له مجمع المكونات مع بعضها

"زين اسفين يبا لا تعصب" يقول له مار جدام طلال و طلال عينه تطيح على شورته و تتسع عينه لما يستوعب انه شاف شي و يدعي بقلبه انه مو مثل ما يفكر

"جوعان؟" يسأله و طلال يتنهد

"اي تبي باستا معي؟" يسأله و يلتفت له فهد معاه عصير برتقال

"لا مابي باستا ابي اكل ايطالي" يقول له و يخزه طلال

"طابخ لك فخذ فيل؟ باستا اكله ايطاليه" يقول له و يضحك فهد

"بخاطري بيتزا خل الباستا عنك قوم نروح لبيتزا" يقول له

"الحين؟ الساعه ٣ الفجر" يقول له

"اي ليش تخاف؟ روح البس جوتيك بس بالسياره ماراح ننزل" يقول له و ينزل طلال من الكرسي العالي

"طيب عطني ٥ دقايق" يقول له و يطلع من المطبخ، و فهد يرجع لغرفته يغير ملابسه

يطلع طلال من الغرفه ينطر فهد اللي خذا اكثر من ١٠ دقايق، يطلع فهد من الغرفه و شعره مبلل و تتسع عين طلال

"والله من جدك اخذت شور؟" يسأله و يحرك فهد شعره المبلول

"اي ترى من دوام امس ما تسبحت انغثيت من نفسي" يقول له و يسحب مفتاح سيارته من الطاوله و ينفتح باب الشقه و يدخل خالد، تتسع عين فهد و يلتفت يطالع غرفة خالد و يرجع يطالعه و طلال يدري عن الموضوع قال له علي

"شفيك؟ نعم؟ خير داخل هالوقت؟ تستهبل؟" يقرب له فهد و يقلب خالد عينه الحمرا و متفوخه واضح انه كان يبجي

"فهد اذلف عن وجهي مو فاضي لامك اليوم انا" يقول له بنفسيه و يدز ايد فهد و فهد يدزه عالطوفه بقوه و يمسكه ضدها

"العب وياك انا ولا اصغر عيالك؟" يصرخ عليه و طلال توجهه له بسرعه و بعده عن خالد اللي ما حط عينه بعين فهد و منزل عين فهد، مو احترام لكن واضح قافله معاه، بعد عنهم و راح لغرفته و سكر الباب

"شفته ابن الكلب شلون يكلمني؟" يسأله و يبعد ايد طلال رايح لخالد و طلال يدزه للباب