الـدخيل

بارت ٤٧

-

-

يضحك بقوه و يبتسم تركي من ضحكته، صار لهم ساعه فالسياره يحوسون بالشوارع مو عارفين وين رايحين، اشتاق لايامه مع تركي، يبي يكون معاه قد ما يقدر، بس ما يهمل علي

"تذكر لما كنا مسافرين دبي و بالغلط دخلت على واحد هو و مرته؟" يسأله بابتسامه و يضحك خالد

"اي كنت سكرااان كله منك حبيبي انا معاك عادي اشرب عادي اشرب" يرفع حاجبه بضحكه

"وربيي ماقدرت امسكك اول شي كنت تصرخ تقول تبي تسوي معاي سكس جدام الناس لما مسكتك و غطيت فمك طلع جني خاطفك" يقول له و يضحك خالد رافع شعره

"اي ادري قلت لي و كنت احاول افصخك بعد جدام الناس" يبتسم و يضحك تركي

"احلى ايام والله" يتنهد تركي "تذكر اول ما اعترفت لي؟" يسأله بابتسامه و يبتسم خالد

"شعر جسمي كله كش و كنت ارجف خفت انك تكرهني ولا تلوع جبدك اقوى شي توقعته انك تفضحني" يقول له بصراحه، و يضحك تركي ماسك ايد خالد

"ما كنت راح اسوي شي يأذيك! لاني ولازلت احبك" يقول له و خالد ما انصدم من كونه يحبه، تقريباً توقع هالشي، و حاس فيه، انصدم من شلون يقولها له و هو يدري انه بعلاقه

"و اللي فرقبتك يوم من الايام كان مني!" يبتسم له بخفه يتظاهر ان هالشي ما يعور قلبه، و هو يتقطع من الداخل

"كنت انا اللي اناديك بحبيبي.. و انا اللي انومك فحظني.. انت اللي لونت لي دنيتي و انت اللي اسعدتني و انت اول من حبيت من قلب.. اشتقت لشعور اني امسك ايدك بمكان عام و انا ادري ان بيننا اقوى من الصداقه اشتقت لنظراتك و انتظارك لي حتى اقوم من النوم اشتقت لابتسامتك اللي اعرف ان سببها كلمة احبك مني اشتقت لك استقت لخالد اشتقت لنا" صوته بدى تدريجياً يختفي بسبب الخنقه اللي حاس فيها، و الرجفه بقلبه، حب خالد بكل ما عنده، و سوا الشي الصح بأنه يبعد خالد عن موضوعه و مشكلته و كلفه هالشي خالد نفسه، يركن جدام شقة خالد و يطالعه

ينزل خالد راسه، مو قادر يقول شي، ولا عنده شي يضيفه، و تركي دمعته بعينه لكن ابتسم و تنهد مطلع الهوا من فمه، يبي يضيع الدمعه "و اعرف و تذكر بس ان انا اللي حبيتك اول و انا اللي استحق قلبك و انا اللي ضحيت بحبي علشان تكون بأمان و متطمن انك بخير بعيد عني لكن هالشي كان يقطعني كان يعذبني احلف لك ان ليلي ما انامه ولا نهاري اعيشه محبوس بين اربع طوف مع اوصخ خلق الله مع حمام مفتوح مشترك الشي الوحيد اللي ينومني هي دموعي تالي الليل من اذكر شنو بتكون ردة فعلك لو دريت اني بالسجن او لما تحص بعدم وجودي كنت مثل المجنون اعد الثواني و اهون على نفسي ان مع كل ثانيه تمر كل ما يقرب وقت الطلعه و اروح لك لكن بحثت عنك كل مكان رحت لشقتك القديمه قال انك تركتها من زمان رقمك و غيرته حتى الجامعه ما كنت تقول لي اي جامعه تروح انجنيت حسيت اني رجعت للسجن كنت معتبرك حياة و ضاعت حياتي و لما شفتك صدفه وربي حسيت ان الحياة ارجعت لي فيني نشاط الحصان ابي اصرخ ابي اقول للعالم ان حبيبي رجع لي حسيت لي اجنحه ممكن اطير فيها من الفرحه.. لكن انكسرت هالاجنحه من دريت ان بدلتني بغيري.. فكر فيها خالد و شوف من اللي ضحى علشانك منو اللي فعلاً حبك منو اللي حبك بالاول" يقول له و خالد يطالع جدام دموعه على خده و تركي حاس بضيقه، لكن ماسك نفسه من انه ينفجر جدام خالد