الـدخيل

بارت ٦٦

-

٨:١٦
"فهد!!" يصرخ علي داخل الصاله و فهد قاعد يلبس جوتيه يبي يروح الدوام، الكل نايم و فهد وقف منصدم من علي

"شفيك اهدا!" يوقف و يرفع علي حاجبه و هو معصب

"ليش ما قلت لي ان خالد بالسجن!! و فوق هذا مشتبه فيه بقضية مخدرات بسبة تركي صحح؟؟؟ من تركي صح؟" يصرخ و فهد انصدم شلون عرف

"علي اهدا امش السياره افهمك لحد يقعد" يقول له ماسك ايده و ينفض علي ايده من ايد فهد

"فهمني الحين ماراح اروح معاك مكان" يرد مكتف ايده، يقعد فهد معاه و يشرح له فهد الموضوع كله، من وجهة نظره و من وجهة نظر المحقق و من كلام خالد لحد ما وصل البيت

"و خالد قال لي ما اقول لك انت بالذات انا شذنبي؟" يسأله و علي مصدوم على اخره

"فهد فهد طيب نو بيسوون له؟ بيتركونه ولا بيطولون ياخذ اشهر؟" يسأله بخوف

"على حسب ماقدر اعطيك الاكيد لكن خالد ماله ايد بالموضوع لا بصمات ولا تحركات لا من قريب ولا من بعيد و الكلام بيمشي على المحقق و الادله بيشوفونها و شنو يتوصلون له قبل لا الموضوع يوصل للنيابه" يقول له و علي حاس هم الدنيا فوق راسه مو مصدق اللي صار

"الله يلعنه و يلعن جده و يلعن من جابه ابن الزق ابن الكلب الزباله الله ياخذه الله لا يوفقه الله يلعنه الله يلعنه الله يلعنه" يدعي من قلب رافع عينه لفوق

"منو؟" ينصدم فهد متوقع يدعي على خالد

"الزق تركي في غيره الق- ما احب هالكلمه بس و حياتك انه قحبه امش ودني لخالد الي ازوره" يقول له و يرفع فهد حاجبه على ثقته

"بكيفك اهوا؟ ما يصير احد يشوفه ولا يشوف احد لما تخلص فترك حكمه نشوف وضعه مذنب ولا بريئ" يقول له و علي حس زقت معاه

"زين ابي اكلمه شلون؟" يسأل

"قول لي شعندك و بقوله" يقول له و يهز علي راسه

"خلاص اذا شفته اكلمه" يوقف من مكانه و يبوس راس فهد

"سوري حبي صرخت عليك" يعتذر ايده على خد فهد و يبتسم له فهد

"حبيبي لا يهمك" يوقف من مكانه

"بتروح له؟" يسأله علي ضام ايده لصدره

"اي اكيد القضيه عندي" يقول له و يهز علي راسه

"طمني عنه ولا يدري اني ادري" يقول له و يهز فهد راسه و يطلع من الشقه

-

"قول لي السالفه من جديد" يقول له ابراهيم و خالد عينه تعبانه و جوعان و فيه النوم مواصل من امس

"اي سالفه؟" يسأل مجعد حاجبه

"جاي تسير هني انت يعني؟ سالفة تركي من الاول" يصرخ عليه و يصحصح خالد