الـدخيل

بارت ٣٨

-
اليوم الثاني

"طلال تبي تاكل شي؟" يسأله علي

"لا مو جوعان" يرفض و يتنهد علي قاعد جدامه

"فهد يسمعك تتوقع انه راضي جذي صار لك من امس مو ماكل شي" يقول له بجديه و طلال طالع بفهد و حس ان علي معاه حق

"طيب جيب لي عصير برتقال و اي شي ساخن ينوكل" يقول له، و يوقف علي

"بسألك الطبيب اول اذا يسمح لك ولا لا" يقول له علي، يمكن لطلال اكل معين من المستشفى ياخذه

يفتح الباب و يلقى مرزوق و خالد "وين رايح؟" يسأله مرزوق

"للدكتور بسأل طلال له اكل معين ولا لا" يقول له

"دكتور طلال و فهد شخص واحد؟" يسأل مرزوق بسرعه

"اي ليش؟" يسأله علي باستغراب

"ولا شي انا اروح اسأله لك" يقول له ملتفت و يسحبه علي بسرعه

"دقيقه اذا قال لا ماله اكل محدد من المستشفى انزل الكافتيريا جيب له عصير برتقال بارد و اي شي حار ينوكل يفضل انه يكون كرواسان" يقول له علي و يهز مرزوق راسه رايح للدكتور

"صباح الخير" يبتسم له خالد، و علي يقرب له و يحظنه "خايف على فهد" يهمس علي بجتف خالد

"كلنا خايفين عليه حبيبي.. كلنا خايفين لكن ان شالله يصحى لا تفاول عارفين قوة فهد احنا بيرجع لنا" يحاول يطمنه و يبعد علي خالد لما شاف باب واحد من الغرف ينفتح

"ما افاول بس ما .. عارفين ان اللي بالغيبوبه غالباً يموتون او غيبوبه ابديه تستمر لسنين صح؟" يرفع علي حاجبه

"شكلي لازم ابوس هالشفايف علشان تعرف تتكلم عدل و ما تفاول صح؟" يرفع حاجبه بابتسامه و يحمر خد علي و يفتح باب الغرفه

"من صجي خالد!" يرفع حاجبه له و يضحك خالد

"و انا من صجي!" يقول له، و يدخل للغرفه و يطبع بوسه على شفايف علي بهدوء و يبعد عنه و يطالعه بجديه

"فهد بيكون بخير اوكي؟ حتى لو ما قاعد بنجيه كل يوم نسولف معاه و نبقى معاه دايماً انت لا تخلي مكان للافكار السوداويه بعقلك" يقول له و سمعه طلال، و نزل عينه لايد فهد، و رفعها بهدوء باسها، و نزل ايده

"اشتقت لك" يهمس له و يسند راسه على فخذ طلال و يغمض عينه و ايده ما زالت ممسكه بايد فهد و يطالع باظافر ايد فهد، و يلعب فيها

-

"سلام" يدخل مرزوق لمكتب دكتور عبدالعزيز و يرفع دكتور عبدالعزيز راسه عن الاوراق و يبتسم رافع نظارته الطبيه على شعره، مخلي خصل من قذلته ترتفع معاه

"و عليكم السلام تفضل" يأشر له على الكرسي و يقعد مرزوق

"دام فضلك دكتور بقيت اسألك عن مريضك طلال مسموح له ياكل من الكافتيريا ولا له اكل من المستشفى؟" يسأله و يبتسم دكتور عبدالعزيز على سؤاله