-
"علي خل نتكلم عن الموضوع" يقرب له و يتجاهله علي و يكمل طبخ البيض
"لا تتجاهلني! ترى مو حل ان اثنينا نزعل عن بعض جذي-"
"نعم؟ اثنينا نزعل على بعض؟ ليش ان شالله شمسوي لك علشان تزعل؟" يصرخ عليه بقهر
"على قلة ادبك امس مع ربعي انت شفت شلون طقيت الرجال؟ تحمد ربك ما قام و عفر فيك الارض اصلاً!" يرد بعصبيه عليه
"اطقه و العن والده والديه انت اخر واحد تتكلم عن الزعل ولا تكلمني افهم اني مابي اكلمك ولا ابي اسمع صوتك" يصرخ عليه اهوا الثاني
يدخل فهد الشقه معاه مشعل، و يركض مشعل لغرفته مع جنطته و يلقاهم فهد بالمطبخ
"شفيكم؟ علي صراخك وصل لبرا ترى" يقرب لهم يحاول يهدي الوضع و خالد يطالع بعلي اللي كمل الطبخ و واضح معصب من طريقة حركة ايده
"مافينا شي" يرد خالد و علي يخزه و يلتفت يكمل طبخ
"اذا في مشكله بينكم قولوا لي خلوني احلها" يقعد على الكرسي فهد، و علي يقلل من النار و يلتفت لفهد
"لنفترض افتراض انك انت و طلال تحبون بعض تمام-" يحاول علي يشرح الوضع ، و فهد تزيد نبضاته على التخيل و يعض شفايفه
"لا تدخله بمشاكلنا!" يقاطعه خالد
"لا بدخله! و انت مالك دخل" يرد بعصبيه و يلتفت لفهد "لو رايح لحفله معاه و مستانسين و متوقعين انه بيكون يوم سعيد و حلو لكم بعد كل الكلام الحلو و السكس اللي صار قبله لكن لما يضيع طلال منك فجاءه و تدوره تلقاه بوحده من الغرف يلحس ويسكي من معدة واحد ثاني بعدها تشوفه بعييينك!!! يبوسه من حلجه شبيصير فيك؟" يسأله و عين فهد متسعه و يخز خالد
"الوضع كان رهان مو راضي يخليني اشرح له" يرجع خالد شعره لورا و يضحك علي بخفه و واضح القهر بعينه على دمعته اللي ماسكها من انها تطيح
"خالد تكفى ... مابي اسمع تبريرك اللي اقبح من ذنبك!" يقوله بهدوء و يلتفت مطفي النار و مخلي اكله و يطلع من المطبخ بسرعه
"زين بطقاق لا ترضى ولا تسمع بس النعمه!" يصرخ مأشر عالبيض و يلتفت يلقى فهد يخزه
"بعد في شي بتقوله؟" يصرخ عليه بعصبيه و يرفع فهد جتفه ببرود
"لا مو جاهل انت بتعرف تتصرف و علي معاه حق انت الغلطان" يرد ببرود و يطلع خالد من المطبخ على دخلة طلال
"انتوا بس صراخ كل يوم؟ و بعدين ليش مأثثين صاله دايماً قاعدين فالمطبخ!" يقول له باستغراب و يفتح الثلاجه مطلع قارورة ماي
"هوشه بين خالد و علي" يوقف فهد من مكانه ماخذ البيض و يقطه بزباله
"عاد والله ما سويت شي" يتطنز و يضحك فهد
أنت تقرأ
الـدخيل
Ficción Generalقراره في سفره للكويت و الدراسه فيها ممكن يكون سهل يقرره في يوم او اسبوع، لكن العواقب و الاحداث اللي سببت له مشاكل اهوا في غنى عنها.. هنا تبدأ قصته. لا أكرهك، لكن أكره حُبي لك، أنا العاشق و المُغرم، فلترحم قلبي و ترحل.. لعل الفراق سيُنسيني حُبك! -رو...