الـدخيل

بارت ٢٥

-

"ااه" يسمع اهات و يتقلب من مكانه بانزعاج "ببععدد وخرر" يصرخ و يفز فهد من نومه ملتفت لطلال اللي يحاول يبعد شي عنه

"طلال طلال" يمسكه من ايده و يدزه طلال و دموعه على عينه، جبينه معرق و انفاسه مو منتظمه

"طلال انا فهد صحصح طلال" يعلي صوته و يوقف بسرعه من مكانه فاتح الليتات و يرجع لطلال

"طلال حبيبي شوفني" يصرخ و يطق بخفه على خده و يفتح طلال عينه هاز راسه للجهتين، يشهق مغطي عينه و يظمه فهد لصدره بقوه، و شهقات طلال القويه بصدر فهد

ينسدح فهد و طلال راسه ما زال على صدر فهد اللي يلعب بشعره "انا معاك.. انا معاك و حولك محد بيقرب لك لا تفكر بالموضوع.. حاب نشوف لنا شي؟ تبي تطلع؟ جوعان؟" يسأله و يهز طلال راسه و يبوس راسه فهد

"حاول ترجع تنام انا ببقى معاك حتى تغفي" يهمس له و ايده ترجع بشعر طلال لورا

"كل ما غمضت عيني حلمت فيه" يقول له و فهد يتنهد

"لانك تفكر فيه.. لا تفكر فيه حط ببالك ان هذا مجرد حلم مجرد خرابيط بعقلك بسبب تفكيرك فيه فكر بأي شي ثاني" يهمس له و طلال يبعد عن طلال قايم من مكانه

"شفيك؟" يسأله و يوقف طلال من السرير

"مويه" يقول له و يوقف فهد بسرعه

"ارتاح انا اجيب لك" يقول له و يقعد طلال على السرير و يطلع فهد من الغرفه و يلقى علي و خالد بالصاله

"ما نمتوا؟" يسألهم و يلتفت خالد له

"اششش علي نايم بس" يهمس له و يأشر لعلي اللي دافن نفسه بحظن خالد و ايد خالد حوله

يروح للمطبخ فاتح الثلاجه ياخذ بطل ماي، و يرجع للغرفه، يفتحه لطلال و يمده له، يشربه بسرعه و يبعده ماخذ نفس و يمده لفهد اللي خده و سكره

"الكوابيس راح ترجع لي انا اعرف متعود على الوضع" يقول له و فهد يبتسم له بخفه و يفتح ايده له

"نام و انا بكون جنبك" يقول له و يقرب منه طلال و يستلقي بين ايدين فهد، حظنه و رجعوا ينامون

-

يفتح عينه و يطالع حوله مستغرب اهوا وين، يلتفت للجانب الثاني، و يلقى واحد نايم جنبه، جسمه مو جسم متعب! يفز من نومه ساحب تليفونه و يلقاها وحده الظهر، يشهق بسرعه واقف و يسحب ملابسه يلبسها و يركض لبرا الشقه، بنفس الفندق بتنهد براحه و مو عارف شنو يبرر لمتعب لما يشوفه

يدخل المصعد و يضغط عالدور و يهز رجله بتوتر، اول ما يفتح يركض لشقتهم و يفتح الباب بالبطاقه يلقى متعب قاعد بالصاله و يهز رجله بتوتر و يعض اظافره

"اوه اهلاً بالسيد مرزوق" يقول له بدون لا يطالع فيه

"اسف! اسف اسف اسف اسف اسف متعب اسف" يقرب له و متعب يوقف و يطالعه، يشوف رقبته اللي فيها علامات و شفايفه المتشققه