الـدخيل

بارت ٥٧

-

قاعدين بمطعم جدام البحر، و طلال بردان لكن ما تكلم ولا بين لفهد، الجو ظلمه و بس نور المطعم منور لهم المكان برا و كذا كشاف خفيف مخلي القعده اضاءتها خفيفه و مريحه للعين، و صوت البحر يرتطم على الصخر

"لنفترض فرضاً اني طلبت انك تبقى معاي طول العمر.. شي رسمي بعلاقتنا يربطنا بتوافق؟" يسأله و يبتسم طلال و فهم قصده

"قولها.." يقول لفهد ببساطه و يبتسم فهد من ابتسامة طلال

"شقول؟"

"قول اللي قصدك تقوله بس خايف اني اتهرب" يقول له و ضحك فهد بخفه مبعد عينه عن طلال و طالعه من جديد

"اقصد لو طلبت ايدك بتوافق؟" يسأله و تتسع ابتسامة طلال

"طلبت ايدي لشنو؟" يسأله رافع حاجبه و يضحك فهد هاز راسه للجهتين

"ولا شي كمل اكلك" يقول له و طلال كان مخلص اكله

"كليت و خلصت بس ما تبي تسمع جوابي؟" يسأله عارف ان فهد متوتر انه يسأله

"اقصد زواج" يقول له و تختفي ابتسامة طلال و فهد رفع حاجبه ينطر منه ردة فعل، و طلال هو اللي توتر هالمره، و عض شفته السفليه و اتسعت ابتسامته، و فهد ابتسم بخفه حس انه عرف ردة فعله

"مستحيل ارفضك فهد احبك فجوابي هو اي بوافق" يقول له و فهد استعت ابتسامته و يبي يبوسه و يظمه لكن مو قادر

"خلصت؟" يسأله مأشر على صحنه و يبتسم طلال و يهز راسه، يطلب فهد الشيك، و يدفع، يطلعون من المطعم، و يمسك فهد ايد طلال، طلال توتر ان احد يشوفهم و يصورهم بس تجاهل هالشي و شد ايده على فهد

"وين نروح الحين؟" يسأله طلال و هم مقربين للسياره

"مادري ما ببالي شي" يقول له، و ركبوا السياره و التفت طلال لفهد

"مب وقت امتحاناتي قلت لي راح نروح لشاليه؟" يسأله طلال و فهد تذكر

"ايي اي حبيبي ذكرتني صح و باجر لازم اقوم الصبح عندي شغله ضروريه اسويها قبل لا اروح لشغلي بعد.. قول لمرزوق يدور لنا شاليه فيه مسبح داخلي اهوا يحب هالسوالف" يقول له و يهز طلال راسه و يمسك بايد فهد و يبوسها

"احبك احبك فهد ما تدري وش كثر تعني لي راضي اضيع وقتي و عمري معاك و لك و لعيونك راضي اسوي اللي يتطلب اني اسويه بس ابقى اتأمل عيونك و انا تعديت مرحلة الحب انا صرت اعشقك اهواك و احبك و متيم فيك" يعبر له عن مشاعره و فهد ابتسم و قرب من طلال و حظنه له بقوه و دفن وجهه برقبة طلال و طلال يبوس خد فهد

"احبك اكثر غلاك من غلى ماي عيني يا عيوني و روحي و دنيتي و كل مافيها" يبوس تحت اذنه، و يبتسم طلال و ايده على شعر فهد من ورا و يحركه عليه

"تبي نرجع الشقه؟" يهمس له فهد باذنه، و يمرر لسانه على طرف اذن طلال، و سرت القشعريره على كل شعره من جسمه