الـدخيل

بارت ٥٨

-

"شلونك الحين؟" يسأله فهد ماسك ايد طلال، و يكح طلال و كحته قويه يسحب منديل و يمسح خشمه

"مو احسن" يهز راسه و يفرك فهد ايده بايد طلال يحاول يدفيها

"انا السبب تعشينا برا عند البحر و نسيت انه برد ليش ما قلت لي انك بردان؟ كنت بنغير مكاننا" يقول له بعتاب و طلال ماله حيل يرد اكتفى بأنه يضغط على ايد فهد و رفعها فهد و باسها

"انتظر بعد ما اصحصح انت بتمرض" يقول له طلال و يبتسم فهد

"مو مشكله انت بتهتم فيني" يقول له رافع حاجبه و يبتسم له طلال شابك اصابعه باصابع فهد

-

"زين احبك" يبتسم مرزوق و هو يتكلم بالتليفون

"احبك اكثر يا روحي اليوم اشوفك؟" يرد متعب و هو يحرك برا الجامعه

"اي وينك انت؟"

"توني طالع من الجامعه عندي كذا شغله و اوراق و راد البيت" يقول له

"تجيني؟" يسأله بسرعه

"تمام مسافة الطريج بس ترى ماراح اطول عندك لان لازم ارجع للبيت" ينبه و مرزوق موافق

"اهم شي اشوفك تعال انت بس" يرد بحماس، مشتاق له لابعد درجه، يسمع هواش بالصاله و يودع متعب بسرعه و يطلع من غرفته رايح للصاله

"جهال؟" يصرخ عليهم مرزوق مبعد علي عن خالد و يدزه بعد عنه

"قول للزق الزباله اللي عندك يحترم نفسه و اسمي لا يطب لسانه لا والله العظيم واللي خلق سبع سموات طباقا لا اذبحه فاهم؟ موته بتكون على ايدي هالقحبه" يصرخ علي و خالد يمسح الدم اللي على شفايفه، و مرزوق شايف اسلوب علي متغير ١٨٠ درجه للاسوء، يتنهد ملتفت لخالد

"شمسوي له؟" يسأله و يقلب خالد عينه

"ما بقى الا مزقزق يستجوبني" يبعد عنه و علي يرفع حاجبه لمرزوق

"شايف اسلوبه العفن؟ بس ما الومه من رافج خريج السجون و هو صاير نفس اسلوبه مو محترم احد مسوي نفسه عنتر زمانه الواطي" يرد علي يدور المحارش و يضحك خالد

"خريج السجون هذا طلعك مثل الورد من قلبي و قعد هو بمكانك بس ما الومك يا قلبي قلبك ليلحين متولع فيني و هذه فعايل الغيره" يرفع حاجبه مبتسم له بثقه و استفزاز، شد علي على قبضته و لا بقدر ينكر كلامه لانه صح

"علي لا ترد عليه!" يقول له مرزوق لكن علي ما رد عليه اهوا و قرب لخالد بهدوء و خالد عينه على عين خالد ينطر منه رد

لكن علي ما تكلم و عطاه لكمه قويه على وجهه بس توازن خالد و دفعه علي للطوفه وراه و لصق فيه و ضغط على خده باصابعه و رافع راس خالد و يطالع بعينه

"الغيره هذه اللي تضحك عليها اذا وصل تركي لربعها ذيج ساعه ابوس لك رجلك و اعتذر منك بس تخسي لاني واثق انه ما. يحب.ك. و تذكر كلامي" يهمس له و ما سمع مرزوق شي منهم و نزل علي عينه لشفايف خالد، و له رغبه قويه بأنها يبوسها، و شايف شفايفه تبتسم و يطالع بعين خالد و كأنه عارف عن رغبة علي