الـدخيل

بارت ٤٦

-

"في الغابة قانون يسري في كل زمااان قانون اهمله البشر و نسوه الان" يغني مرزق داخل للمطبخ فاتح الثلاجه

"يسري في كل مكان يا مال الشاقول" يرد خالد و اهوا ياكل بيضه و يطالعه مرزوق

"اهلاً .. صباح الخير خلوده شنو مضايقك من الصبح؟" يسأله بروقان و ابتسامه

"تركي راح لدوامه من الصبح ما شفته" يقول له و يجعد مرزوق حاجبه قاعد جدامه

"منو تركي؟" يسأله و يرفع له خالد راسه

"منو قال تركي؟" يسأله

"يعع يا غثك توك قايل تركي!" يرد مرزوق يكره هالمواقف

"قصدي علي يعني انت افهمها!" يقول له بتوتر، و مرزوق ما اهتم و نقز من الكرسي بما انه عالي شوي من الارض

"في الغابة قانون يسري في كل زززماااننن" يشدد عليها غاث خالد و يكمل "قانون اهمله البشر و نسوه الان" يدخل لغرفته لمتعب النايم

يقرب لمتعب و الغطا مغطي من اسفل ظهره و تحت، يحظن متعب "اخلاص حب دافئ عيش فطري هانئ لا ظلم ولا خوف ولا غدر ولا احزاان" يكمل يغني بابتسامه و بهمس

"شجوك حبيبي؟" يسأل متعب بهدوء و يرفع مرزوق راسه من ظهر متعب و يبتسم له

"قعدتك حبي؟" يسأله بسرعه

"اي بس احسن ما ابي اطول بالنومه" يقول له ملتفت و هو يتثاوب و يمغط ايده، يبتسم مرزوق و يدفن وجهه برقبة متعب و يبوسه و يحظنه متعب و يصير فوقه و يبعد وجهه عن مرزوق و يطالعه

"نمت احلى نومه بحظنك" يهمس له و يبتسم مرزوق بفرح، حاس بأن هذه اقصى مراحل الفرح و الراحه و السعاده و الحب اللي ممكن يوصلها بحياته

"لو تنام عندي كل يوم بس!" يرفع حاجبه و يبوس متعب خشم مرزوق

"اذا توعدني برتاح بنومتي معاك مثل اليوم اوعدك اني هاليومين انامهم عندك" يقول له و تتسع عين مرزوق بابتسامه

"جذااب!!!" يرد بسرعه و يبتسم متعب برفعة حاجبه و كأنه يقول تتحداني اسويها "وربيي وربي والله مو بس اوعدك هذا انا احلف انك بترتاح و بتنام احلى نومه معاي انا ما طمعت تنام عندي اليوم!!" يقول له و يبتسم متعب و يضحك بخفه

"ثلاث ليالي لعيونك" يقول له  و يلصق شفايفه بشفايف متعب و يبادله متعب بابتسامه

-

يفتح فهد عينه حاس باصوات جنبه، يلتفت و يلقى طلال، نايم، و وجهه احمر و يتنفس بصعوبه، دموعه بعينه و معرق قذلته على جبهته معرقه، يفز من نومه ولا يقدر يتحرك براحته بسبب الجبس

"طلال طلال حبيبي طلال" يهزه و طلال يأن و هو نايم "طلال!!" يعلي فهد صوته و يفتح طلال عينه بسرعه و يشهق فاز من مكانه و يطالع حوله بخوف