الـدخيل

بارت ٤٠

-

١١:٢٦ بليل

الكل رجع البيت، و بقى طلال مع فهد قاعد جنبه عالسرير و اكله على الطاوله جنبه "ما كنت تاكل شي علي قال لي صار لك يومين!" يكلمه فهد

"من قال اني اعاقب نفسي فهد؟ بس جد ما كان لي نفس شي" يقول له و فهد يهز راسه

"اوكي بتاكل اكلك الحين كله" يقول له مساعد طلال انه يفتح له وجبته، كون طلال ايده الثانيه مكسوره

"مب بزر انا اعرف" يقول له موخر ايد فهد عن وجبته، و يطق فهد ايده بخفه

"لا بزر! البزر ما ياكل و لازم نحن عليه علشان ياكل" يقول له بعصبيه و طلال يخزه

"طيب لا تعصب ليش تعصب؟" يسأله بجديه

"لاني احبك و اهتم فيك و انت مو مهتم بنفسك يومين يا الظالم؟" يطالعه و طلال ياكل يبدا ياكل وجبته جدام فهد

"طيب بخلصها لك وزني بيزيد مليون وقتها بتندم انك قلت لي ما اكل" يقول له و حلجه فيه اكل و يضحك فهد على شكله

"لو وزنك يصك المليون همن بحبك و اهتم فيك" يقول له و طلال يعطيه نظره و يكمل اكله

"اييه شصار بغيابي؟" يسأله و طلال متردد اذا يقول له عن ابوه ولا لا، لكن لازم يعرف

"امم.. احم" يتنحنح و يطالع بفهد "ابوك جا" يقول له بهدوء و ينصدم فهد و يجعد حاجبه

"ليش؟ شيبي؟" يسأل و واضح انه عصب

"مدري بس ما دخلته صار بيننا كلام و مديت ايدي عليه اسف عارف انه ابوك لكن قعد يتلفظ عليك و علي و كان بيدخل ينكد علينا يومنا و-"

"اشش لا تتأسف يستاهل ما جاه و هذا مو ابوي ولا انا معترف فيه بس ليش يتلفظ عليك؟" يسأله و طلال استحى يقول له

"مدري عنه جا معصب و مرزوق طلع له و صرخ عليه و الامن سحبوه لبرا و منعوا دخوله مره ثانيه" يقول له و فهد مصدوم كل هذا صار

"زين سويتوا الزباله هذا اخذ راحته" يعتدل بقعدته

"بس امك و اخوانك جاو ركض للمستشفى لما عرفوا و امك دخلت عليك اول ما طلعت من العمليه ما سمعتها؟" يسأله و يبتسم فهد و يهز راسه

"لا يمكن ليلحين تحت تأثير المخدر بس ليش ما جت بعدها؟" يسأله

"اخوك كلم علي قال له ابوك منعهم من انهم يجونك و امك ما تبي مشاكل بس كانت تتطمن عليك علي يكلم اخوك و اخوك يوصل اها الخبر" يعلمه و فهد انغث من كلام طلال

"حبيبي ما قلت لك هالكلام علشان نتغث و اضايقك انت بس كنت تبي تعرف اللي صار صح؟" يسأله طلال و يبتسم له فهد

"اححح قول حبيبي مره ثانيه" يبتسم له و يبتسم طلال

"حبيبي و عمري و روحي انت" يحط الوجبه على صوب و يلتفت لفهد مبتسم له