الـدخيل

بارت ٤١

-

"انا برجع للبيت تبون شي؟" يوقف خالد من مكانه بعد ما سكر تليفونه و حطه بجيبه و سحب مفتاح سيارته من الطاوله

"اي اخذ طلال وياك خل يرتاح" يقول له فهد و تتسع عين طلال و يطالعهم

"لاا خير! وش اللي ياخذني معه؟" يفز طلال من مكانه يطالع بفهد

"طلال ملاحظ انك ما تنام عدل ولا تاكل روح للبيت ارتاح" يقول له فهد بجديه

"لا انام عدل و اكل و مرتاح انا جنبك مرتاح خالد روح للبيت انت انا ببقى هنا" يعاند طلال منزل عينه عالارض مثل الطفل مو راضي يتحرك من مكانه

"طلال لا تعاند حبيبي القنفه (كنبه) كسرت لك ظهرك روح لسريرك و غرفتك ارتاح غسل بدل تريق و تعال لي الصبح تمام؟ تعال قعدني" يقول له و طلال ما رفع عينه

"ماراح اروح" يتكلم بهدوء، و يتنهد فهد على عناده و يمسك ايده

"طلال حبيبي انت اسمعني روح للبيت ارتاح و تعال لي الصبح تمام؟ انا مو مرتاح و اشوفك تعبان معاي هني نايم و ادري انك مو مرتاح" يقول له و طلال حس انه اقتنع شوي لكن مو متطمن يترك فهد بروحه

"و اذا احتجت شي بليل مين بيكون عندك؟" يسأله طلال

"يا رجال بمستشفى ترى حوله عيون سهرانه ما تنام على شنو خايف؟" يسأله خالد و يتنهد طلال واقف من مكانه

"عطني بوسه قبل لا تروح" يناديه فهد، و يقرب له طلال ماد خده لفهد و يضحك فهد على حركته و يبوس خده "و على شفايفك يا زعلان انت!" يقول له و يلتفت طلال بايس شفايفه و يبتسم طلال مبعد عنه

"تصبح على خير" يودعه و يطلعون من الغرفه

-

"ترى فهد بخير! وجوده راح يسبب لك مشكله" يقول له و عبدالعزيز يتنهد و عينه على الطوفه سرحان

"ماراح يسبب مشكله ما عليك" يتنهد عاض شفته، و إياد يرفع حاجبه له

"اوكي بس لا تجي و تقول اياد شسوي الاداره عصبت علي تمام؟" يسأله بجديه

"تمام بس جد انغثيت يوم شفت شلون ماسك له ايده و ابن الكلب باسها جدامها حاس ان مرزوق قال له عني مرزوق حاس فيني" يستوعب هالشي عبدالعزيز

"لا تعيش باحلامك الورديه و تخرب علاقتهم ببعض" يقول له و يقلب عبدالعزيز عينه

"ما اقول هالشي لاني ابي اضايقكك! بس الولد واضح انه مرتاح بعلاقته مع حبيبه شلك بالمشاكل انت و الدراما؟" يسأله و يوقف عبدالعزيز من مكانه

"زين يلا نطلع خلص الشفت مالي" يقول له فاصخ بالطوه، و يوقف معاه اياد

"عازمك على مطعم مو ترفض نفس كل مره" يقول له اياد طالعين من المكتب