Life After You

Chapter 12

DANIEL

Alam kong kaya pa ni Kathryn ang kanyang sarili dahil hindi pa naman sya ganun kalasing pero ayoko syang magdrive ng nakainom at ayoko rin naman syang magtaxi ng mag-isa. Hinatid ko sya sa condo nya at dinirecho sya sa kanyang kama.

"Okay na, nandito na tayo." Sabi ko sa kanya habang hinuhubad ko ang sapatos nya.

Kumuha ako ng wet wipes at pinunasan ko ang mukha nya. Ganito kasi ginagawa nya pag matutulog na, nagreremove sya ng make up. Binuksan ko ang first two button ng polo shirt nya kasi ayaw nya ng masikip na damit kapag natutulog tapos nilagyan ko sya ng kumot. Pagkatapos ay nilakasan ko ang aircon dahil mas lalo syang naiinitan kapag nakainom sya.

Parang ganito din sya mag-alaga noon kapag lasing akong umuwi.

"Ayan, matulog ka na. Anong oras na din." Sabi ko.

Napalingon ako nung umupo sya. "Ano?"

"CR lang ako.." Sabi nya at tumayo. Muntik pa syang matumba.

"Anong nangyari dito? Bakit ang gulo gulo?" Tanong ko sa kanya ng makalabas sya. Inalalayan ko pa syang humiga.

"Pagod na kasi ako kakaisip sayo kaya di na 'ko nakakapagligpit."

I sighed. "Sige na, ako na dito. Matulog ka na." Nakakapanibago, dati sobrang ayaw nya kapag maraming nakakalat sa kwarto pero ngayon parang hindi kwarto ng babae ang kwarto nya.

Inayos ko na lahat ng dapat ayusin. May mga nagkalat na pictures namin. Nandito pa yung box na puno ng handwritten letters namin para sa isa't isa. Itinago nya kasi lahat.

Tinitigan ko iyon pero hindi ko naman binabasa. Parang lumilipad ang isip ko.

"Kung alam ko lang na darating ang araw na iiwan mo 'ko, sana mas minahal pa kita." Narinig kong sabi nya at kinuha sa akin ang mga sulat.

Sya na ang ang nagligpit nun. "Aalis na 'ko."

"Hindi pa ba?"

"I mean, uuwi na 'ko."

"Dito ka naman umuuwi minsan ah?"

"Kathryn.."

"Joke."

"Sige na, magpahinga ka na." Palapit na ako sa pinto ng nilingon ko ulit sya. Nakaluhod sya sa sahig habang inaayos pa rin ang mga litrato at sulat.

Napahinga ako ng malalim. Akala ko ganito lang kadali iyon.

"Pag di ka pa umalis dyan, hihilahin kita pabalik dito." Sabi nya pero hindi ako tinitignan. Patuloy lang sya sa ginagawa nya pero ramdam ko sa boses nya na paiyak na naman sya.

"Matulog ka na ha."

"DJ.." Tawag nya ulit at tumakbo papunta sa akin.

"Yung.. yung singsing." Ipinakita nya ang kamay nyang suot ang singsing na ibinigay ko. "Susuotin ko pa rin 'to. Wag mo munang babawiin ha?"

"Hindi ko naman sinabing babawiin ko eh. Ibinigay ko na 'yan sayo, diba?"

"Pero yung dahilan kung bakit mo ko binigyan nito, binawi mo na diba?"

Hindi na ako nakasagot. Hindi ko alam kung anong sasabihin ko eh. Ayoko nang dagdagan pa ang sakit na nararamdaman nya.

"Hangga't suot ko 'to, ibig sabihin, umaasa pa rin ako, ibigay sabihin maghihintay pa rin ako." Sabi na naman nya.

"Sinabi ko naman na sayo diba.." May karugtong pa sana ang sasabihin ko ng nagsalita ulit sya.

"Basta, ganun na yon. Sige na, drive safely, okay?"