Life After You

Chapter 31

Sa pagkakasalungat ng oras, bumangon ako sa'yong pagkahimbing. Tama, ikaw ang unang alaala sa aking paggising.

"Good morning, Love." I said to myself and smiled.

Malungkot ang gabi at malungkot ang umaga pero hindi ko hahayaang mawala ang ngiti sa aking labi sa tuwing ikaw ang maalala.

Kagaya ng pagmamahal mo sa gitna ng sakit na dulot ng aking paglisan.

Dahil iniwan kita.

Iniwan kita sa ilalim ng makulimlim na ulap, sa nagbabadyang bagyo, sa malakas na ihip ng hangin, sa gitna ng kadiliman, sa malubak na daan, sa mga bituin na pumahinga sa'yong kanlungan, sa araw na wala nang balak sumikat, sa langit na nais ilipat sa'yo ang kanyang bigat, sa apoy na balak kang lamunin, sa tubig na nais kang lunurin at sa'kin na kaya kang samahan pero pinili kang iwanan.

"Ano, masakit ba? Gago ka kasi." Medyo tanga ako sa part na to ha.

Matapos kong maligo at mag-ayos, kinuha ko ang box na naglalaman ng mga sulat at larawan namin ni Kathryn. Mayroon pa syang malaking box na ipinabigay sa akin na naglalaman ng mga naiwan kong gamit sa kanyang unit at mga dati kong regalo.

Alam ko kung gaano kaimportante sa kanya ang mga alaala naming dalawa at kung gaano nya pinapahalagaan ang mga bagay na nanggaling sa akin.

At sobrang bigat sa pakiramdam ko ng tinanggap ko ang mga ipinabalik nya.

Totoo na nga. Bumitaw na sya.

Una kong binasa ang huling sulat nya para sa akin. Ibinilin nya ito kay Albie. Ito na daw ang goodbye letter nya para sa akin.

Ilang lakas ng loob ang kinailangan ko para basahin ito.

'To Daniel With Love.'

Tangina. Bakit ko naririnig ang boses nya na binabanggit ang pangalan ko?

'Siguro, dapat kong simulan ang sulat na ito sa 'mahal kita.''

'Mahal pa rin kita.'

Hayop. Bakit ang lakas ng pintig ng puso ko?

'At akala ko dati, kapag nagmahal ka, magmamahal ka lang.'

Parang hindi pa ako nangangalahati, gusto ko nang titigil.

'Hindi pala. Kapag nagmahal ka, lahat pwede mong maranasan.'

'Nagmamahal kahit hindi na kayang mahalin pabalik. Umaasa kahit malabo na. Magpapatawad kahit ilang beses nang sinaktan. Tatanggapin kahit hindi siguradong hindi na mauulit pa.'

'Pag nagmahal ka, kailangan matuto kang sumugal, lumaban, sumuko, magpatawad. Kailangan matapang ka kasi pag hindi lagi kang talo.'