Life After You

Chapter 19

DANIEL

"Daniel, umayos ka nga!" Inis na sabi ni Luisa habang inaalalayan akong maglakad.

"Dito na lang muna tayo. Let's sit here sa tabi ng dagat or magfishing tayo---"

"Lasing ka na nga. You need to sleep. Tara na.."

"Luisa, I'm sorry.." Bigla ko na lang nasabi.

Nakainom lang ako pero alam ko pa ang mga nangyayari.

"For?"

"Kasi I can't.."

"You can't?"

"We both agreed na wag lang ipressure ang isa't isa. Pero alam kong nakakapagod din." Huminga ako ng malalim at iniharap sya sa akin. "Luisa, baka magsawa ka lang din sa akin. Hindi ko maibibigay lahat ng gusto mo."

"Let's talk about that some other time, Daniel. Pagod na ko."

Tumalikod sya at mauuna na sanang maglakad pero niyakap ko sya.

"I'm sorry kung dumating lang ako para guluhin ang buhay mo, Luisa."

"Daniel, ano ba? Matulog na tayo. Let's go."

Pinikit ko ang mga mata ko.

Ito ba talaga ang makakapagpasaya sayo, Daniel?

"Gawin mo." Bulong ko sa kanya. "Bitawan mo ko kung hindi ka na masaya."

Umalis siya sa yakap at hinarap ako. "Not now, Daniel. I'll give it another try. Let's work this out."

"Pero paano kung--"

"Kung hindi talaga, hindi talaga. Ang mahalaga sinubukan natin diba?"

I stared at her. Matapang pa rin kagaya ng pagkakakilala ko ngunit ngayong gabi matapang sya sa ibang paraan.

Ngumiti ako sa kanya bago sya hinalikan.

~~

Umaga. Kakahatid ko lang kay Luisa dahil kailangan nyang bumalik agad ng Manila dahil may mga appointments pa sya ngayong araw. Naabutan ko sina Magui na pabalik-balik sa labas ng mga kwarto habang may mga kinakausap sa telepono.

"Anong problema?"

"Kuya.." Tila kinakabahang sambit niya.

"Bakit?"

"Si Ate Kath.."

Bigla akong kinabahan.

"Anong nangyari sa kanya? Nasaan sya?"

"Hindi ko na sya nakita simula nung lumabas sya kagabi. Hinintay ko sya sa kwarto hanggang madaling araw pero hindi na sya bumalik. Hanggang ngayon.."

"Putangina."

Halos tripleng kaba na ngayon ang nararamdaman ko.

"Kuya, baka ano nang nangyari sa kany------"

Mabilis akong lumabas para hanapin si Kathryn. Nasaan na ba kasi ang babaeng yun?! Alam naman nyang hindi pa nya kabisado ang lugar na to eh.

Kung saan saan ako pumunta para hanapin sya at kung sino-sino na ang tinatanong ko.

Umupo ako sandali nang makaramdam ng pagod. Tinawagan ko si Magui kung umuwi na ba si Kathryn pero hindi pa daw. Napatingin ako sa dagat at may bigla akong naalala.

Alaalang ayoko nang maulit pa.

"DJ!" Sigaw nya at tinataas ang kamay habang nasa swimming pool. Hindi ko alam kung bakit kaya lumapit ako sa kanya. "DJ, tulu..ngan mo..ko!"