Life After You

Chapter 27

"Ano bang nangyayari?" Tanong muli ni Kathryn na kakagising lang at hindi pa rin bumubuti ang pakiramdam.

"Alam mo ba kung anong ginawa nila.." Tinignan ni Luisa ang mga kasama nila.

"Hindi. Kaya nga nagtatanong ako."

Luisa raised an eyebrow and smirked. "Pupuntahan ko dapat si Daniel pero niligaw nila ako para magkasama kayong dalawa. Did you enjoy it?"

"Hayaan mo na. Napagsabihan ko na nga sila." Bulong sa kanya si Daniel na pinipilit na syang umiwas.

"Totoo ba 'yon?" Tanong na naman ni Kathryn sa mga kasama nila.

"Pero.. hindi naman sya naligaw eh." Sabi ni Patrick na para pang nagpipigil ng tawa. "Tsaka sinamahan naman namin sya. Sorry, Kath."

"Oh my gosh!" Inis na sambit ni Luisa. "Respeto naman sana sa akin bilang girlfriend ng kaibigan nyo."

"Seriously?" Napatawa si Kathryn. "You're asking for respect pero hindi nyo nga naibigay 'yon sa akin?"

"Okay na.. Tama na, Kath." Tinapik ni Marco sa likod si Kathryn. "Dinner na lang tayo."

"Sandali.." Nilapitan nya si Luisa. "Oo, mali nga sila. Hayaan mo pagsasabihan ko 'tong mga 'to."

"You should."

"Pero sana pagsabihan mo din 'yang boyfriend mo. Ilang beses ko syang pinalayo sa akin pero sya 'tong lumalapit."

"Ah, aalis na lang kami. Pasensya na." Paalam ni Daniel at mahinang hinila si Luisa para maglakad palayo.

"No. We need to talk." Nilingon nya ang mga kaibigan. "Iwan nyo muna kami."

"Are you su---"

"Yes, Trina."

"Pero---"

"Sandali lang 'to."

"Sige.."

Umalis ang kanilang mga kaibigan at naiwan na lamang silang tatlo.

~~

"Nagwoworry na talaga ako para kay Kathryn." Sabi ni Marlann habang naglalakad silang lahat.

"Ako din. Pero alam ko kakayanin nya 'to. Matapang kaya 'yon." Sagot naman ni Arisse.

"Ako, mas worried ako for Daniel." Malungkot na sabi ni Pamu. "Para kasing ine-internalize nya yung anger at frustrations nya pero pinipilit nya magmukhang okay at unaffected."

"Pansin ko din."

"Seryoso? He looks so happy naman with Luisa at yung buhay nya ngayon na walang Kathryn."

"Happy? Duhhhh. Mukha kaya syang broke."

"Ikaw, Trina, wala kang sasabihin?" Tanong ni Marco.

"Uyyyy.." Tukso naman sa kanila ni Patrick.

"Can't argue because I'm hungry." Simpleng sagot lang ni Trina at naunang maglakad.