Life After You

Chapter 41

Alam ni Kathryn sa sarili nya na kasinulingan lamang ang pagtanggi nya sa pagbalik ni Daniel sa kanya. Hindi biro ang pagtalikod sa taong kulang na lamang luhuran nya upang hindi sya nito iwanan.

Hindi madali. Walang madali.

Kapag ang dahilan kung bakit ka nasasaktan ay sya ring paraan para maibsan ang sakit. Kapag ang dahilan kung bakit tila nawawasak ang iyong puso ay sya pa ring itinitibok nito.

Hindi madali ang masaktan at magmahal ng sabay.

"Jake, I'm sorry sa nangyari noong huling gabi na nagkasama tayo. I was so drunk na hindi ko na alam kung anong ginagawa ko." Kathryn said on the phone.

Gabi na at nakaupo sya sa isang sulok ng kanyang kwarto habang kausap si Jacob sa telepono.

"You don't have to say sorry for that. Ako nga yata ang dapat magsorry sa'yo eh."

"Why? Wala ka namang nagawang mali."

"Pasensya na sa pangingialam ko." Jacob said softly. "Problema nyong dalawa 'yun and you needed to talk. Labas na ako dun. I'm sorry for overreacting as if I have the right. Hindi ko naman alam ang lahat ng nangyari between the two of you. I'm sorry."

Napangiti si Kathryn kahit hindi sya nito nakikita. "Hayaan na natin 'yun."

"Okay, so, coffee? Tomorrow?"

"Uhm, maybe next weekend na lang. Marami akong gagawin tomorrow eh."

"Alright, next weekend, I'll visit mom in Batangas." Jacob said excitedly na para bang may iniisip syang magandang idea.

***

Malinaw pa sa isip ni Daniel ang kanyang mga binitawang salita. Kung gaano ito kasakit, kung gaano ito kabigat para sa isang taong walang ibang ginawa kundi mahalin sya at isipin ang kanilang kinabukasan.

"May karapatan ba 'kong masaktan?" Tanong ni Daniel habang tahimik lamang na nakikinig ang kanyang mga kaibigan. "Ako naman nagdala sa sarili ko dito eh."

Hindi sila sanay sa kanilang nakikita ngayon. Kilala nila si Daniel bilang matatag at hindi masyadong iniisip ang mga problema ngunit sa bihirang pagkakataon ay naging mahina muli ito sa kanilang harapan.

"Bakit mo kasi niloko tapos ikaw pa 'yung nakipaghiwalay?" Tanong din sa kanya ni Marlann.

"Oo nga, okay naman kayo dati. Okay naman sya sa'yo. Bakit ka pa naghanap ng iba?"

"Hindi ako naghanap ng iba." Mahinang sagot ni Daniel. "Si Kathryn ang hinanap ko pero abala sya sa future naming dalawa na nakakalimutan nya na ang present."

"Tol, check mo na 'yung ingredients ng pulutan natin." Natatawang bulong ni Marco kay Patrick. "Naging corny bigla eh, baka may nakain."

"Gago. Mas corny ka." Sabi sa kanila ni Daniel.

"Sandali.. Anong ibing mong sabihin?" Tanong ulit ni Marlann kay Daniel. "Explain mo nga. Ang labo nyo eh."

"Masyado na kaming seryoso. Masyado na kaming nasasakal."

Muling napainom si Daniel nang meron syang maalala.

**

"Parang hindi kami 'to. Parang hindi dapat ako nandito at hindi dapat sya nandun. Dapat magkasama kami ngayon. Paano kami nakarating dito? Masaya naman kami ah.." Kwento ni Kathryn kay Jacob sa telepono ng mapalalim na ang kanilang usapan.

"Kath.. Paano kung gusto ka nyang balikan? Paano kung hindi ka nya tigilan hanggang sa maging kayo ulit? 'Pag napatunayan nya na 'yung sarili nya sa'yo, tatanggapin mo ba sya ulit?"