Life After You

Chapter 39

Natatarantang nagtago si Daniel matapos nyang pindutin ang fire alarm button. Gusto nyang suntukin ang sarili at pinagsisisihan nyang ginawa nya ito matapos makita ang mga taong nagpapanic. 'Siraulo ka.' Sabi nya sa kanyang isip.

"Wala naman yatang apoy eh?" Rinig ni Daniel na sabi ni Kathryn nang lumabas ito kasunod si Jacob.

"Maghanap ka ng fire exit at lumabas ka na, hahanapin ko lang 'yung mga kasama natin." Utos sa kanya ni Jacob at bumalik sa inuupuan nila kanina.

Palihim naman na sinundan ni Daniel si Kathryn palabas ng fire exit.

"Sir, wala naman pong sunog--" Sabi ni Leo ng makasalubong sya ni Daniel.

"Leo, nasira lang 'yung alarm. Pasensya na, pasensya na talaga. Kayo na muna bahala." Pabulong at nagmamadaling pakiusap ni Daniel sa kanya at patuloy na sinundan si Kathryn.

Tumigil si Kathryn sa kung saan may mga iilang taong lumabas mula sa resto habang ang iba ay nanatili at bumalik sa loob.

Mabilis nya itong hinila papunta kung saan nakaparada ang kanyang kotse at isinakay. Dahil nakainom si Kathryn, hindi nya masyadong makontrol ang kanyang sarili at hindi sya nakawala sa pagkahawak ni Daniel.

"Hoy! Ano ba!" Galit na sigaw ni Kathryn. Huli na nang makita nyang si Daniel ang kumuha sa kanya. "Gago ka! Papatayin mo ba 'ko sa kaba?!!"

Maingat na umilag si Daniel sa paghampas sa kanya ni Kathryn habang nagmamaneho. "Kathryn, mababangga tayo!"

Dahil sa takot na madisgrasya, tumigil si Kathryn sa paghampas kay Daniel at sinigawan ito. "Saan mo ba 'ko dadalhin, Daniel!! Ano ba?!! Natatakot na 'ko!"

"Iuuwi na kita!"

"Iuuwi? Bakit mo ko iuuwi? Tatay ba kita? Yaya ba kita? Leche ka!" Sigaw pa rin ni Kathryn kay Daniel.

"So anong gusto, magpahatid ka dun sa gagong 'yun?"

"Teka, hindi kita maintindihan?!"

"Masarap ba syang humalik? Magaling ba sya? Nag-enjoy ka ba?" Galit din na tanong ni Daniel na patuloy pa rin sa pagmamaneho.

"Edi halikan mo din sya para malaman mo?" Sabi ni Kathryn at napairap. "Hayaan mo sabihin ko sa kanya na---"

"Kathryn, ano ba? Seryoso ako!"

"Seryoso din ako, Daniel?"

"Kathryn naman, hindi ka naman ganyan ah?! Alam mong hindi tama 'yun, 'di ba? Ano bang nangyayari sa'yo? Bakit mo ba ginagawa 'to?"

"Ha!? Mali na kung mali pero buhay ko na lang 'to ngayon kaya wala kang pakialam!" Muling sigaw ni Kathryn. "Ibalik mo na nga lang ako dun, baka kung ano nang nangyayari dun!"

"Walang sunog, ako 'yung simura ng fire alarm."

Hinarap sya ni Kathryn sa gulat. "What? Oh my gosh! Edi nagpanic 'yung mga costumers kanina?! Nag-iisip ka ba?!"

"Ano ba kasing ginagawa nyo sa loob? Ano 'yung mga naririnig kong ingay?! Bakit mo sya pinapasok doon?!"

"Sandali, sandali.." Pinakalma ni Kathryn ang sarili bago magsalita ulit. "Minasahe nya lang 'yung paa ko. Don't tell me.."

"Kathryn, nakita kong hinalikan mo sya! Bakit ganun? Bakit ang bilis? Kakakilala mo lang sa kanya diba?"

"Bakit 'di mo na lang balikan si Luisa para hindi ka naiinggit dyan?"

"Bakit iniiba mo 'yung usapan?"

"Bakit 'di tayo maglaro ng hanapan ng pake?"

"Bakit 'di mo sinasagot 'yung tanong ko?"