Life After You

Chapter 6

KATHRYN

Nagising akong sumasakit ang ulo at nagising ako sa katotohanang hindi ko matanggap.

He broke up with me.

Yung taong minahal ko ng sampung taon at patuloy kong minamahal, yung kasama kong sa bawat pagbuo at pagtupad ng mga pangarap. Nakakapanghina. Bawat segundo lalong humihirap.

Kagabi tawag ako ng tawag at text ng text sa kanya ng makauwi ako hanggang sa makatulog. Hindi ko matanggap na wala na talaga kaya gusto kong subukang makausap sya ulit sakaling magbago ang isip nya.

Gusto ko pang lumaban. Gusto kong gawin lahat. Ayokong magsisimula sa huli.

Ring lang ng ring ang phone nya. Paulit paulit akong tumawag hanggang sa hindi ko na sya ma-contact. Iyak ako ng iyak ng biglang may kumatok at pumasok sa room ko.

"Good morning. Naghanda na ako ng breakfast. Let's eat?" Tanong sa akin ni Arisse.

Umiwas ako ng tingin. "Hindi nya sinasagot yung phone."

She sighed. "Kumain ka kaya muna? Baka tulog pa iyon. You can talk about that later, unahin mo muna yang sarili mo."

"Out of coverage area na ngayon. Siguro kasama nya si Luisa no? Siguro nagkita sila after nya akong iwan kagabi." Sagot ko at pinunasan ang aking mga luha.

Hindi ko maintindihan. Para akong nasa ibang mundo. Sobrang naninibago ako at ayoko ng ganito.

Lumapit sya sa akin at tinabihan ako. "Dalhan kita ng breakfast dito, you want?"

Umiling ako. "No, okay lang. Sina Trina nga pala?"

"Umuwi na sila kagabe after ka namin ihatid dito. Maaga pa daw kasi silang aalis today pero pupunta sila dito mamaya."

"Si DJ? Diba nagpaalam sya sa inyo? Anong sinabi nya?"

"Umuwi na sya. Di na sya bumalik kagabi. Sige na, kumain na tayo. Tapos maligo ka na kasi diba later na yung prenuptial shoot ng client mo?"

"Oo nga pala." I wiped my tears at tumayo.

Matapos kong gawin ang usual na ginagawa ko sa umaga ay sumabay ako kay Arisse na kumain. Medyo natawa ako sa breakfast namin. Fried rice, bacon, hotdog and sunny side up eggs.

"What? Kanina you're crying tapos bigla ka na lang matatawa?"

"As expected ito yung kakainin natin kasi ito lang kaya mong lutuin."

"Yeah, I know di ako kasing galing mo magluto. Edi sana gumising ka ng maaga diba?" She rolled her eyes.

Inirapan ko din sya kahit na namumugto ang mga mata ko sa kakaiyak. I was about to check my phone ng inagaw nya sa akin iyon.

"Ano ba?" Inis na tanong ko.

"You can call him later. Kumain ka nga muna!"

Wala akong nagawa kundi sundin ang bestfriend ko. Kumuha na lang ako ng kanin
at ulam nang biglang may naalala na naman ako dahil sa sunny side up eggs. I smiled.

"Baliw nga." She whispered.

"Naalala mo yung kwento ko sayo na ilang itlog yung nasayang ni DJ dati kasi hindi nya maperfect yung sunny side up egg and gusto nya akong maimpress kaya paulit ulit syang nagtry. That was the time na sinimulan pa lang naming i-conceptualize yung resto.."

I looked at her with a sad smile.

"Paano ko naman hindi maalala eh ilang beses mo nang nakwento yan?"

"Alam mo gusto kong maniwala na katulad lang to ng mga past break ups namin na magbabalikan din agad kasi hindi namin matiis ang isa't isa. Kaso hindi na nya ko binalikan, hindi nya sinasagot yung mga tawag ko, hindi nya ko tinitext. Wala na syang pakialam sa akin. Ganun na lang yon para sa kanya?"