مذكراتي العزيزة (كاملة)

الجزء الخامس: صدام

في الكلية

"مالك قلقانة ليه يا نور" رنا

"بكرة محاضرة الغلس" نور

"مين؟" سوسو

"أر كيه" رنا ونور

"أنت لسة ما اعتذرتيش له" رنا

"كل مرة أحاول أتكلم معاه يجري مني" نور

"نعم يجري منك ليه؟ هو خايف منك؟" سوسو

"ما أعرفش. مرة شوفته جي في الطرقة. استنيته لغاية لما يقرب مني وأكلمه اول لما شافني لف و مشي الناحية التانية. المرة التانية شافني مستنية على باب مكتبه لما يجي وأكلمه اول لما شافني قال للعامل انه مش عاوز حد يدخل له وبص لي و دخل مكتبه. قولوا لي أعمل ايه دلوقتي؟ محاضرته بكرة. وما اقدرش افوتها أنا بجد محتاجة أني أحضرها. المادة بتاعته صعبة وما قدرتش افهم فيها أي حاجة لوحدي أنا محتجاه يفهمني أو هسقط في المادة ده" نور تبكي في يأس وتقص لأصدقائها ما حدث مع أر كيه الأسبوع السابق

"ما تقلقيش يا نور أنا هكلم بابا وهو يكلم عمو مدحت وأر كيه مش هيقدر يخالف أوامر عمو مدحت. هيسمح لك تدخلي محاضرته بكرة ما تقلقيش لكن يا ريت تيجي بدري وما تتاخريش تاني" سوسو تطمئن نور ان كل الامور ستكون بخير

اليوم التالي

"نور، نور اصحي" نجوان

"أنا صاحية يا ماما سلام لازم امشي دلوقتي" نور

"لكن أنت ما فطرتيش ولسة بدري دلوقتي انت بتجري كدة ليه؟" نجوان

"النهاردة محاضرة دكتور الغلس ما ينفعش اتاخر" نور

"أنت لسة ما اعتذرتيش له" نجوان

"هو ما ادانيش أي فرصة. دلوقتي انا لازم امشي ما ينفعش اتاخر او هيطردني تاني باي يا ماما" نور تجري للباب

"فطارك؟" نجوان

"بعدين يا ماما هاكل حاجة في الكلية" نور

في الاتوبيس نور تفكر انه مازال 3 محطات للكلية والوقت مازال مبكراً وفجأة سمعت صوت ارتطام و تحطيم وناس تصرخ. نور ارتعبت وقلقت ماذا ممكن ان يكون؟ نظرت من نافذة الاوتوبيس وجدته اصطدم بسيارة وتعطل ولن يتحرك من مكانه لفترة. نور بحثت في حقيبتها على أموال لتستقل تاكسي ولكنها لم تجد ما يكفي. أخذت حقيبتها ونزلت من الاوتوبيس تجري لكليتها عندما وصلت الكلية كانت تتنفس بصعوبة من الجري ورؤيتها مشوشة. أذناها تطن. جريت لقاعة المحاضرات في الطابق الرابع وعندما طرقت الباب كانت بالمعنى الحرفي لا ترى ولا تسمع أي شيء.