فجأة فتحت نور عينيها تلفتت بذعر ونادت على زوجها
"أر كيه. أر كيه"
مسح أر كيه دموعه وأقترب منها
"انا هنا يا نور انا هنا"
"انت كويس؟"
"ايوة انا كويس"
نور أغلقت عينيها ثانية واستسلمت لنوم عميق. كانت هكذا لمدة ساعة. تفوق وتغيب ثانية بسبب المخدر. عندما افاقت تماما
"عامل ايه يا أر كيه؟"
"انا كويس يا نور الإصابة كانت سطحية ما تقلقيش علي"
"لما شوفتك واقع على الأرض بتنزف افتكرتك ضعت مني"
بكت نور ومسح دموعها زوجها بحنان
"ما تبكيش يا حبيبتي. انا كويس. كله تمام"
بعد برهة من الوقت استدركت نور وضعها وسألت زوجها
"هو حصل لي ايه؟"
"معلش يا نور"
رأت نور دموع زوجها فهلعت
"في ايه يا أر كيه؟ حصل ايه؟ ابني كويس؟"
أجابها زوجها بصوت متحشرج
"ابنك راح يا نور"
صرخت نور رافضه لواقعها الأليم
"لاااااااا"
احتضنها زوجها بذراعه السليم
"بس يا حبيبتي. ارجوك اهدي"
"انا عاوزة ابني. رجع لي ابني"
"يا ريت كنت اقدر يا نور. أنا ما اقدرش. ما اقدرش ارجعه"
بكيا الاثنان في حضن بعضهما البعض. بعد فترة نامت نور في حضن زوجها. وضعها أر كيه بحنان على السرير واستسلم لإرهاقه واغلق عينيه وذهب في نوم مضطرب
*********
الصباح التالي
ذهبت نجوان للمستشفى لتطمئن على ابنتها وزوج ابنتها
"صباح الخير عاملين ايه انتم الاتنين؟"
"انا كويسة يا ماما"
"وانت يا رأفت عامل ايه؟"
"كويس هنروح البيت دلوقتي"
"بجد حلو قوي"
ذهب الجميع لقصر كامل
"روحوا على غرفتكم وانا هاجهز لكم الفطار"
"حاضر يا ماما"
صعدا نور وأر كيه لغرفة نور وبدلا ثيابهما ولم يتحدثا عن أي شيء. جاءت نجوان بالطعام
"اهه احلى فطار علشانكم عملت كل حاجة بتحبوها"
"شكرا يا ماما لكن انا مش جعانة كلي انت وأر كيه"
أنت تقرأ
مذكراتي العزيزة (كاملة)
Любовные романыمذكراتي العزيزة قصة عن المسئولية. قصة تعلمنا ان نقوم بواجبنا قبل السؤال عن حقوقنا. لو كل فرد منا قام بمسئولياته حتى لو عن مضض سينال ما يتمنى في النهاية. الحب ليس مجرد كلمة. الحب واجبات ومسئوليات تجاه الطرف الاخر. قم بواجبك وسوف تحصل على الحب في المق...
