بعد شهر
كانت نور في المستشفى تتحدث مع صديقها دكتور كبير
"أزيك يا قمر عاملة ايه؟"
"انا كويسة وبطل تقول لي يا قمر وجميلة لو حد سمعك يفتكر انك بتعاكس واحدة متزوجة"
"لكن انا مش بعاكسك انت فعلا قمر"
"انا مش هاعرف اغلبك في الكلام ده"
"خلاص ما تتعبيش نفسك"
"انا استسلمت"
"احسن لك برضه"
بعد عدة دقائق من الصمت
"مش انت قولت ان عيد ميلاد جوزك قرب والكلام ده كان من شهر"
"فعلا عيد ميلاده كان من أسبوعين لكن انت عارف اننا كنا احنا الاتنين تعبانين بسبب الحادثة من شهر"
"لكن انتم الاتنين زي الفل دلوقتي ما تحتفلوا به دلوقتي"
"ما جاش في بالي بالاخص ان رأفت مشغول جدا يومه متقسم بين الكلية والمستشفى مفيش عنده وقت فاضي فيه ابدا لأي حاجة تاني"
"ممكن ما تعمليش حفلة كبيرة لو عشاء رومانسي في مطعم شيك كفاية قوي"
"رأفت ورومانسية ما يركبوش مع بعض"
"نعم؟ امتى اخر مرة اتعشيتوا عشاء رومانسي؟"
"استنى لما افتكر. ابدا"
"انتم الاتنين متزوجين من ثمان شهور دلوقت ولا مرة خرجتوا اتعشيتوا عشاء رومانسي؟"
"ايوة رأفت مش رومانسي ابدا لكنه مهتم جدا بي وده كفاية بالنسبة لي"
"خلاص فكرة العشاء الرومانسي اتلغت ممكن تعملي له حفلة مفاجأة"
"فكرة كويسة لكن امتى وفين؟ وهو مش فاضي خالص"
"ممكن نعملها هنا في المستشفى. حفلة بسيطة وانا هاساعدك في الترتيبات"
"حلو قوي ممكن نعملها في الكانتين وهتاخد من وقته مجرد نص ساعة علشان يقطع التورتة. خلاص نخليها بكرة"
"خلاص انا هاجهز كل حاجة انت بس اتصلي بعائلتكم واصحابكم اعزميهم"
"شكرا يا كبير على الفكرة الحلوة ده. انا هاروح احجز التورتة. واتصل بعائلتنا"
ذهبت نور لتقوم بالتحضيرات لحفلة عيد ميلاد زوجها اتصلت بوالدتها ودعتها للحفلة وطلبت منها ألا تخبر رأفت بأي شيء ثم اتصلت بحماتها لتدعوها
"ازيك يا ماما عاملة ايه؟"
"أنا كويسة انت عاملة ايه؟"
"انا كويسة انا باتصل بيك علشان اقولك على حفلة عيد ميلاد رأفت"
"حفلة عيد ميلاد رأفت؟ لكن رأفت مش بيحتفل بعيد ميلاده من يوم ما كان عنده 12 سنة. هو موافق على الحفلة ده؟"
أنت تقرأ
مذكراتي العزيزة (كاملة)
Romanceمذكراتي العزيزة قصة عن المسئولية. قصة تعلمنا ان نقوم بواجبنا قبل السؤال عن حقوقنا. لو كل فرد منا قام بمسئولياته حتى لو عن مضض سينال ما يتمنى في النهاية. الحب ليس مجرد كلمة. الحب واجبات ومسئوليات تجاه الطرف الاخر. قم بواجبك وسوف تحصل على الحب في المق...
