مذكراتي العزيزة (كاملة)

الجزء الرابع واربعون: مفاجأة

بعد نصف ساعة، ذهبت نور للمعمل لتأخذ النتيجة ونظرت لنتيجة التحاليل وهمست بصدمة
"انا حامل"
كانت نورسعيدة جدا بمعرفة حملها. اخذت موبايلها واتصلت بزوجها. أتاها صوت زوجها على الفور بعد الرنة الثانية
"اهلا"
"اهلا يا أر كيه عامل ايه؟"
"انا كويس انت عملت التحليل؟"
"ايوة عملته"
"نور انا اسف خالص لكن هم بينادوا علي دلوقتي علشان القي كلمتي ابعتي لي النتيجة وانا هاتصل بيك بعد ما اخلص"
أنهى أر كيه المكالمة ولم يسمع الخبر السعيد من زوجته. نور ذهبت لمكتب زوجها وهي في قمة سعادتها فنظرت لصورته وتحدثت إليها.
رأفت انا مبسوطة قوي. انا مش قادرة استنى لغاية لما اقولك على الاخبار. انا متاكدة انك هتفرح قوي. انا عارفة قد ايه انت بتحب الأطفال. انا عارفة انت هتبقى احسن اب في الدنيا زي ما انت احسن زوج. لما اقولك على الاخبار اكيد هتنسى كل حاجة. هتنسى الألم اللي سببته لك. انا بحبك قوي يا رأفت. وبحب ابننا. هو الدليل على حبنا. مش هتقدر تنكر حبنا بعد كدة هتتقبله انا مبسوطة قوي يا رأفت ومش قادرة استنى لغاية لما تفرح معي.
لا مش هاقدر أقوله حاجة في التليفون احسن حاجة أقوله وجها لوجه علشان اشوف الفرحة في عينيه واكون معه لما يحس لأول مرة انه هيبقى اب. خلاص مش هاقوله أي حاجة دلوقتي واستنى لما يرجع. شكرا يا رأفت على احسن هدية اديتها لي انا بحبك قوي يا زوجي
نور استمرت في الحديث إلى الصورة حتى رن تليفونها واخذها من احلامها
"اهلا نورهان اسف على المرة اللي فاتت انت اتصلت وانا طالع على المنصة علشان أقول كلمتي"
"ولا يهمك يا أر كيه"
"عملت تحليل الدم؟"
"اه"
"ايه النتيجة؟"
"انا كويسة مفيش حاجة"
"ابعت لي النتيجة يا نورهان"
"ما قولت لك انا كويسة"
"انا قولت ابعتي لي النتيجة"
نور اخذت صورة لنتيجة صورة الدم وليس نتيجة تحليل الحمل وبعثتها لزوجها
"ايه يا نور ده؟ الهيموجلوبين واطي قوي 9.4 بس وبتقولي كويس"
"الموضوع مش كبير هاخد حديد واكل كويس وخلاص"
"انا راجع بكرة"
"لا يا أر كيه انا عارفة قد ايه المؤتمر ده مهم بالنسبة لك انا هاكون كويسة ما تقلقش علي"
"انت ما تعرفيش تاخدي بالك من نفسك يا نورهان"
"لا اعرف. كله هيبقى تمام و زي الفل ما تقلقش انا هاكل كويس واخد فيتاميناتي"
"وترتاحي انت محتاجة ترتاحي ما ترهقيش نفسك"
"حاضر اوعدك هاخد بالي من نفسي كويس قوي"
"ماشي سلام دلوقتي وهاتصل بيك بالليل"
"هاستنى مكالمتك"
"سلام وخدي بالك من نفسك"
"انت كمان خد بالك من نفسك" 

*******************

مذكراتي العزيز
النهاردة اسعد يوم في حياتي. انا هاكون ام. ابن رأفت بيكبر جوايا. انا شايلة قطعة منه. انا حاسة اني مرتبطة بيه اكتر من الأول دلوقتي علاقتنا عمرها ما تنكسر انا فرحانة جدا انا كنت عاوزة اعلن فرحتي للعالم كله كنت عاوزة أقول لأمي اني حامل لكن رأفت الوحيد اللي له الحق يعرف اول واحد ما اقدرش أقول لأي حد قبله ده هيكون ابنه لا ابننا انا شايلة ابننا جوايا
نور انت نسيت؟ هو قالك لا أولاد ولا حب هو مش عاوز أولاد منك
لا اكيد عاوز انا متاكدة انه هيفرح قوي انا متاكدة انه هيكون احسن اب هو بس بيقول مش عاوز أولاد لكن انا شوفته مع اخويا بيلعب معه كانه طفل هو كمان هو بيحب الأولاد وهيحب ابننا