نور أتجهت للخروج إلى منزلها ولكنها ترددت وعادت وقالت له
"عاوزة اقولك على حاجة مش عارفة إذا كان صح ولا غلط اني اقولها لك" نور
"خير يا نور" حازم شعر بانها ستعترف له بشيء
"هو بخصوص خالتي" نور
"مالها ماما" حازم
"ضغطها عالي قوي النهاردة كان 180/160" نور
"بجد أنا لازم أخدها المستشفى" حازم مصدوم
لا ما تقلقش انا اديتها الادوية بتاعتها وهي بقت احسن دلوقتي و بكرة الصبح هاعدي عليها اشوفها انا بس قولت لك علشان ممكن حالتها تسوء بالليل وانت كان لازم تعرف" نور
"شكرا نور انك قولت لي" حازم
"يا ريت ما تقولهاش اني قولت لك على حاجة علشان ما تزعلش مني و خد بالك منها" و كملت الجملة في سرها "وخد بالك من نفسك"
"شكرا يا نور وماتقلقيش مش هاقول لها على حاجة" حازم
"حازم أنت فين؟ مش هتيجي تاكل؟ الاكل هيبرد. و ريحته جميلة قوي. نور عملت اكل لذيذ. وانا مش هاصبر اكثر من كدة. تعالى بسرعة" دينا
"حاضر يا ماما" حازم
"أوك أنا هامشي دلوقتي علشان ماما هتقلق علي. الوقت أتأخر" نور
نور عادت لبيتها وهي سعيدة جدا انها تحدثت معه. و ان حازم سيأكل مما صنعت. كانت تتمنى ان تسمع رأيه في أكلها لكن الوقت تأخر ولا تستطيع ان تمكث أكثر من ذلك خوفا من توبيخ امها.
نجوان فتحت الباب لنور وسألتها
"خالتك عاملة ايه يا نور احسن دلوقتي؟" نجوان
"أه يا ماما هي كان ضغطها عالي شوية علشان كدة كان عندها صداع" نور
"عملت لهم العشاء؟" نجوان
"أه انا عملت الاكل لخالتي وحازم" نور
نجوان لاحظت لمعة في عيون نور وقتما ذكرت حازم
"هو حازم كان هناك؟" نجوان
"أه رجع من الشغل" نور
"ومدام رجع من الشغل انت كنت هناك بتعملي ايه؟ ما هو يقدر ياخد باله من أمه" نجوان سألتها بغضب
"ما انا مشيت أول لما هو جه أنا بس قولت له ان امه كانت تعبانة علشان يهتم بها مش أكتر" نور حزنت من اتهام أمها لها
أنت تقرأ
مذكراتي العزيزة (كاملة)
Romantizmمذكراتي العزيزة قصة عن المسئولية. قصة تعلمنا ان نقوم بواجبنا قبل السؤال عن حقوقنا. لو كل فرد منا قام بمسئولياته حتى لو عن مضض سينال ما يتمنى في النهاية. الحب ليس مجرد كلمة. الحب واجبات ومسئوليات تجاه الطرف الاخر. قم بواجبك وسوف تحصل على الحب في المق...
