Unicode
Ep.20
ရှင်မင်းသက် ခလေးငယ်ကို ကျောင်းပို့ပြီးအပြန်မှာ ဆေးခန်းဝင်ပြလိုက်ရသည်။မဖြစ်စလောက် ဒဏ်ရာလေးကို ထိုလူကြီးက ခလေးငယ်ကိုသွားပြောကာ ရှင်မင်းသက်ကို ခလေးငယ်ဆီမှ အပြောခံရအောင်လုပ်သည်။
ရှင်မင်းသက်မှာ ဆေးခန်းမသွားချင်ပေမဲ့ ခလေးငယ်ရဲ့"ပါးပါးက မီးကိုမချစ်တော့လို့လား"ဟူသော
စကားကြောင့် ဆေးခန်းသွား လိုက်ရသည်။
ထိုလူကို နည်းနည်းမှမကျေနပ်ပါ။ အပ်ကြောက်တာမဟုတ်ပေမဲ့လည်း ဆေးထိုးခံရတာကို ရှင်မင်းသက် မုန်းပါသည်။တော်သေးလို့ပေါ့ ဆရာဝန်က ဆေးမထိုးတာ ။
စိတ်ထဲမှ မကျေနပ်တာတွေကိုတွေးနေရင်းနှင့်
cafe ကိုပြန်ရောက်လာတော့ စားသုံးသူတွေပင်
ရောက်နေပြီ ဖြစ်သည်။
ဧည့်သည်တွေ အရမ်းမများတာကြောင့် ရှင်မင်းသက် ဆိုင်မထိုင်တော့ဖို့ စိတ်ကူးလိုက်သည်။ထိုလူအတွက်လည်း အခန်းရှင်းပေးရမှာဖြစ်သလို
ဆရာဝန်ကလည်း သိပ်မလှုပ်ရှားဖို့ပြောထားသေးသည်။ထို့ကြောင့်...
"မမေသူ ဒီနေ့ ကိုယ်ဆိုင်မထိုင်တော့ဘူးနော် ..
ဖြစ်ရဲ့လား ဒါပေမဲ့ လူတွေအရမ်းများလာရင်
ကိုယ့်ကိုဖုန်းလှမ်းဆက်လိုက်နော် ကိုယ်ဆင်းလာမယ်"
"ဟုတ်ကဲ့ပါ မသက်ရဲ့
အခုထိတော့ အဆင်ပြေနေပါတယ်"
"ကောင်းပါပြီ။ "
မမေသူကို မှာစရာရှိတာမှာကာ သူ့နောက်မှာ
ရပ်နေသည့် ထိုလူကိုခေါ်၍ အပေါ်ထပ်ကို
တက်လာခဲ့လိုက်သည်။
"ခင်ဗျား တစ်ခုခုသောက်ချင်ရင် ရေခဲသေတ္တာထဲမှာသွားယူသောက်လို့ရတယ်"
ပြောပြီးသွားသည်နှင့် laptop ယူရန် အခန်းထဲဝင်သွားလိုက်သည်။
ကောင်းကင်မှာတော့ ရွှေအိုရောင်၏ ဧည့်ဝတ်ကျေမှုကြောင့် ရေသောက်ချင်စိတ်ပင် ပျောက်သွားရကာ ဧည့်ခန်းမှာသာ ထိုင်စောင့်နေလိုက်သည်။သိပ်မကြာလိုက်ခင်မှာဘဲ ရွှေအိုရောင်က ထွက်လာသည်။
"အတူတူနေတဲ့အခါ အဆင်ပြေရအောင် ကျွန်တော်တို့ ညှိနှိုင်းဖို့လိုတယ်။အထူးသဖြင့် ခလေးငယ်ရှေ့မှာပေါ့..။အဲ့တာကြောင့် ကျွန်တော်တို့ စာချုပ်တစ်ခုလုပ်ရအောင်"
YOU ARE READING
သူမှလွဲ၍" Except Him " (BL-OC) Completed
Fantasyကိုယ့်အမှားတွေကြောင့် သက်ငယ်လေး နာကျင်ခဲ့ရသမျှ အခုအချိန်မှစပြီး ပစ္စုပ္ပန်မှာရော အနာဂတ်မှာပါ ပျော်ရွှင်တဲ့မိသားစုဘဝလေးကို ဖန်တီးပေးပါ့မယ်လို့ ကိုယ်ဂတိပေးပါတယ် ကိုယ့်ရဲ့အသက်ငယ် "တိမ်ကောင်းကင်" ကျွန်တော့်ရဲ့ ခန္ဓာကိုယ်ဖွဲ့စည်းတည်ဆောက်ပုံက မိန်းခလေးတစ...
