Unicode
Ep.29-2
"အာ သွားတော့။ကိုယ့်ဟာကိုယ်ပဲ လုပ်လိုက်မယ်။ခင်ဗျားက ငြိမ်ငြိမ်လေးသာ ထိုင်နေတော့"
"သက်ငယ်ကလည်း ကိုယ် တကယ်ကို ဝိုင်းကူပေးချင်တာပါ "
"ရတယ် ရတယ်။ကူညီပေးချင်တဲ့စိတ်ကိုပဲ လက်ခံပါ့မယ်။ကိုကောင်းကသာ ကျွန်တော့်ကို တကယ်ကူညီပေးချင်ရင် ငြိမ်ငြိမ်လေးပဲ ထိုင်နေပေးရင်ရပြီ။ကျွန်တော် တကယ်ကို အကူညီတောင်းပါတယ်ဗျာ "
"အင်းပါ ကိုယ်ဒီအတိုင်းပဲ ထိုင်နေပါ့မယ်"
ရှင်မင်းသက်က မနက်ဖြန်ရောင်းဖို့အတွက်
cake တွေလုပ်နေတာဖြစ်ပြီး ကောင်းကင်က ကူညီပေးမယ်ဆိုသည့်စကားဖြင့် ဝင်ရှုပ်နေတာဖြစ်သည် ။
ထို့ကြောင့် ဒေါသတွေ ထွက်နေပေမဲ့ မျက်နှာငယ်နှင့် ကိုကောင်းကို သနားတာကြောင့် စကားကို
ချိုချိုသာသာပြောနေရသည်။မုန့်လုပ်တဲ့အချိန်မှာတင် ဝင်ရှုပ်တာမဟုတ်။ကောင်တာမှာ စားရင်းထိုင်စစ်တော့လည်း နောက်ကနေ လိုက်လာကာ မထိုင်ဘဲနှင့် ဘေးမှာသာ ယောင်လည်လည်နှင့်သာ မတ်တပ်ရပ်နေသည်။အနည်းငယ်သာရှိတဲ့ ကာစတန်မာတွေကလည်း ကွက်ကြည့်ကွက်ကြည့်နှင့်ပင်။
"သက်ငယ် ဧည့်သည်တွေလည်းမရှိတော့ ကိုယ်တို့ သမီးငယ်နဲ့ ဖုန်းပြောကြမလား"
"အင်း..ခေါ်လိုက်လေ။ ရေရော ချိုးပြီးပြီလား မသိဘူး"
ရှင်မင်းသက်သည် ခလေးငယ်ကို တကယ်ပင် လွမ်းနေပြီဖြစ်သည်။ဒီလိုအချိန်တွေမှာဆို ရုပ်ရှင်ထဲကအတိုင်း သူ့ဆီကနေ ခလေးငယ်ကို လုယူမသွားသည့် ကိုကောင်းတို့သားအမိကို ကျေးဇူးအထပ်အထပ် တင်မိပါသည်။ခလေးငယ်ကိုမတွေ့ရတာ တစ်ရက်ပင် မပြည့်သေးပေမဲ့ ရှင်မင်းသက်က ဒီလောက်လေးနှင့်တင် အရမ်းလွမ်းနေရလေပြီ။
ခဏအကြာမှာတော့ ကြားချင်နေသည့် အသံလေးကို ကြားလိုက်ရပါပြီ။
"ဟဲလို ဒယ်ဒီ ပါးပါးရော "
"ဒယ်ဒီ့ကို အရင်တွေ့တာတောင် ပါးပါးကို အရင်ရှာနေတယ်ပေါ့ ဟမ်.. သမီးငယ်က ဒယ်ဒီ့ကို မလွမ်းဘူးနဲ့တူတယ် "
CZYTASZ
သူမှလွဲ၍" Except Him " (BL-OC) Completed
Fantasyကိုယ့်အမှားတွေကြောင့် သက်ငယ်လေး နာကျင်ခဲ့ရသမျှ အခုအချိန်မှစပြီး ပစ္စုပ္ပန်မှာရော အနာဂတ်မှာပါ ပျော်ရွှင်တဲ့မိသားစုဘဝလေးကို ဖန်တီးပေးပါ့မယ်လို့ ကိုယ်ဂတိပေးပါတယ် ကိုယ့်ရဲ့အသက်ငယ် "တိမ်ကောင်းကင်" ကျွန်တော့်ရဲ့ ခန္ဓာကိုယ်ဖွဲ့စည်းတည်ဆောက်ပုံက မိန်းခလေးတစ...