Unicode
Ep.42
"မဖြစ်နိုင်တာ။ဒယ်ဒီက လာနောက်နေတာလား "
ဂျေးမီမှာ မယုံနိုင်စွာဖြင့် ဒယ်ဒီကို အော်လိုက်မိသည်။
ရှင်မင်းသက်သည်လည်း မယုံနိုင်ဖြစ်နေတုန်းပင်။
ဆေးရုံကုတင်ပေါ် မှီထိုင်နေသည့် သက်ကြီးပိုင်းလူကြီးက သူ့အဖေဖြစ်ပြီး သူ သိပ်အမြင်မကြည်ခဲ့သည့် အစ်မကြီးဂျေးမီက သူ့အမွှာတဲ့လေ။မဖြစ်နိုင်တာတွေ မဟုတ်ပါလား။"နင်ရော ယုံလား ဒါက အဖြစ်မှန်ဆိုတာ"
စိတ်ကူးကမ္ဘာထဲရောက်နေသည့် ရှင်မင်းသက်သည် အစ်မကြီးဂျေးမီ၏ စကားကြောင့် သတိဝင်လာကာ ခေါင်းခါပြလိုက်သည်။
"ဟူး...ဒါက ယုံဖို့ခက်တယ်ဆိုပေမဲ့ အဖြစ်မှန်ပဲ။"
ဝီလဆင်သည် မြန်မာပြည်တွင် စီးပွားရေး သွားရောက်လုပ်ကိုင်ရင်းနှင့် ခလေးတွေရဲ့ အမေကို တွေ့ခဲ့တာဖြစ်သည်။ထိုအချိန်တွင် သူ(မ)သည် သူ၏ စကားပြန်ဖြစ်သည်။
အချိန်တွေကြာလာသည်နှင့် ဝီလဆင်သည် သူ(မ)ကို တဖြည်းဖြည်း ချစ်မိလာတော့သည်။အချိန်ကြာမှ ချစ်မိသည်ထက် မြင်မြင်ချင်း ချစ်မိခဲ့တာလို့ ပြောရင် ပိုမှန်မည်ထင်။
သူ(မ)တွင် ချစ်ရသူရှိမှန်း သိသော်လည်း သူ(မ)ကို ချစ်ရေးဆိုခဲ့သည်။ရလဒ်သည် တွေးထင်ထားခဲ့သည့်အတိုင်း သူ(မ)က ငြင်းဆိုခဲ့သည်။အငြင်းခံရသည်အထိ အဆင်ပြေခဲ့သော်ငြား သူ(မ)သည် သူ့ကို ရှောင်ဖို့အတွက်နှင့် အလုပ်ပါထွက်သွားခဲ့သည်။ထို့ကြောင့် ဝီလဆင်သည် သူမကို အတင်းအကြပ်ခိုးပြေးခဲ့သည်။
ထိုသို့နှင့် အတူနေကြတာ နှစ်နှစ်လောက် ကြာသည့်အခါ ဝီလဆင်၏ အတင်းအကြပ်လုပ်ဆောင်မှုကြောင့် သူ(မ)တွင် ကိုယ်ဝန်ရှိလာတော့သည်။
သူမတွင် ကိုယ်ဝန်ရှိကြောင်း သိလိုက်ရချိန်တွင် ဝီလဆင်ဆိုသည့်သူသည် ကမ္ဘာပေါ်တွင် အပျော်ဆုံးလူသားဟုပင် တွေးထင်ခဲ့သည်။ထို့အတူ သူ(မ)လည်း သူ့နည်းတူ ပျော်ရွှင်နေလိမ့်မည်ဟု ယုံကြည်ခဲ့သည်။သူ(မ)နှင့် အတူနေလာကြသည့်တစ်လျောက်လုံး သူ(မ)သည် ဝီလဆင်ကို မချစ်သော်ငြား အိမ်ရှင်မကောင်းတစ်ယောက် ပီသခဲ့သည်လေ။
ESTÁS LEYENDO
သူမှလွဲ၍" Except Him " (BL-OC) Completed
Fantasíaကိုယ့်အမှားတွေကြောင့် သက်ငယ်လေး နာကျင်ခဲ့ရသမျှ အခုအချိန်မှစပြီး ပစ္စုပ္ပန်မှာရော အနာဂတ်မှာပါ ပျော်ရွှင်တဲ့မိသားစုဘဝလေးကို ဖန်တီးပေးပါ့မယ်လို့ ကိုယ်ဂတိပေးပါတယ် ကိုယ့်ရဲ့အသက်ငယ် "တိမ်ကောင်းကင်" ကျွန်တော့်ရဲ့ ခန္ဓာကိုယ်ဖွဲ့စည်းတည်ဆောက်ပုံက မိန်းခလေးတစ...