Unicode
Ep.27
ယခုတလော ရှင်မင်းသက်တို့၏ အိမ်လေးမှာ အလွန့်အလွန် အေးချမ်းနေလေသည်။ဟိုနေ့ကဖြစ်သွားတဲ့ ကိစ္စကြောင့် ကိုကောင်းက သူ့ကို အားနာနေပုံရကာ ထမင်းချိုင့်လည်း မပို့ခိုင်းတော့ပေ။
အမှန်တိုင်းပြောရရင် ရှင်မင်းသက်လည်း
ကိုကောင်းကို ရှိန်နေမိသည်မှာ သူ့ကို ချစ်တယ်လို့ ၀န်ခံထားကတည်းကပင် ဖြစ်သည်။ခလေးငယ်နှင့် သုံးယောက်သား အတူရှိနေရင် အဆင်ပြေပေမဲ့ နှစ်ယောက်ထဲ မျက်နှာချင်းဆိုင်ရတဲ့ အချိန်တွေမှာဆို
ရင်တုန်လာသလိုလို၊ ရင်ခုန်သလိုလိုနှင့်
ကိုကောင်းမျက်နှာကိုပဲ ငေးကြည့်ချင်နေသည်။ထမင်းဟင်းချက်နေရင်း ကိုကောင်းကို ငေးနေမိလို့
အပူလောင်တာလည်း ခဏခဏဖြစ်သလို လမ်းလျှောက်ရင်းနှင့်လည်း ငေးနေမိလို့ ခလုတ်တိုက်တာလည်း အကြိမ်ကြိမ်ပင်။ထိုသို့ငေးနေရသည်ကိုပင် သူ့မှာ ပျော်နေမိသလို ဘယ်လောက်ငေးငေး ငေးမဝ ဖြစ်နေတာကြောင့် သူ့ကိုယ်သူလည်း ဘာဖြစ်နေမှန်း နားမလည်နိုင်တော့။ထို့အပြင် အစ်မကြီးဂျေးမီကို အရွဲ့တိုက်ဖို့အတွက်ဆိုသည့် အကြောင်းပြချက်ဖြင့် ကိုကောင်းအနား ရှိနေရသည့်အချိန်တိုင်း ရင်ထဲ တသိမ့်သိမ့်နှင့်ပင်..။
သို့သော် ကိုကောင်းအနား ရှိနေခွင့်ရတိုင်း စိတ်ထဲ ပျော်နေမိပေမဲ့ ထိုအရာကို ထုတ်ပြောမှာမဟုတ်။ကိုကောင်းက သူတို့သားအဖနှင့် ဘယ်အချိန်ထိ နေပေးနိုင်မလဲဆိုတာကိုလည်း သူ မသိသလို ကိုကောင်းကိုလည်း မမေးချင်ပေ။
ကိုကောင်းဘက်က သူ့ကိုချစ်တယ်၊ သူနှင့်ပဲ အတူနေချင်တယ်လို့ ပြောပေမဲ့ တစ်နေ့မှာ သူ့ထက် ပိုချစ်ရမည့်လူ ရှိမလာဘူးလို့ ပုံသေတွက်ထားလို့မှ မရတာပဲလေ..။ကိုကောင်းကို မယုံကြည်တာ မဟုတ်ဘဲ ကံကြမ္မာဆိုသည့်အရာက ယုံကြည်လို့ မရတာဖြစ်သည်။
တစ်နေ့မှာ ကိုကောင်းက သူတို့သားအဖအနားကနေ ထွက်သွားသည့်အခါ သူ့ကိုယ်သူရော ခလေးငယ်ကိုပါ နှစ်သိမ့်ပေးနိုင်ဖို့အတွက် အခုအချိန်ကတည်းက စိတ်ကိုပြင်ဆင်ထားရမည်။
YOU ARE READING
သူမှလွဲ၍" Except Him " (BL-OC) Completed
Fantasyကိုယ့်အမှားတွေကြောင့် သက်ငယ်လေး နာကျင်ခဲ့ရသမျှ အခုအချိန်မှစပြီး ပစ္စုပ္ပန်မှာရော အနာဂတ်မှာပါ ပျော်ရွှင်တဲ့မိသားစုဘဝလေးကို ဖန်တီးပေးပါ့မယ်လို့ ကိုယ်ဂတိပေးပါတယ် ကိုယ့်ရဲ့အသက်ငယ် "တိမ်ကောင်းကင်" ကျွန်တော့်ရဲ့ ခန္ဓာကိုယ်ဖွဲ့စည်းတည်ဆောက်ပုံက မိန်းခလေးတစ...