@New day
_ គ្រាន់តែមេឃភ្លឺឡើងភ្លាម Jungkook ក៏រហ័សក្រោកពីព្រលឹមស្លៀកពាក់ដើម្បីរត់ហាត់ប្រាណ ហើយក៏ចង់បបួលរាងតូចទៅជាមួយគ្នាផងដែរ ។
<តុកតុក>
« អ្នកនាងTae!! ក្រោកហើយនៅ? » សម្លេងហៅ របស់នាយធ្វើឲ្យរាងតូចដែលដេកហៀរទឹកមាត់នោះភ្ញាក់ឡើងភ្លាមតែម្ដង ។
« អ្នកនាងTae!! » លឺច្បាស់ម្ដងទៀតទើបរាងតូច ងើបញីភ្នែកឡើងហើយក៏ដឹងថាអ្នកហៅជា Jungkook ទៀត នេះគេនៅមិនទាន់ពាក់សក់ផាត់ មុខនៅឡើយទេចុះបើគេចាប់បាននោះងាប់មិនខាន។
« លោក Jungkook?? ស្លាប់ហើយមករកស្អីទាំងព្រឹកនេះវុឺយ » Tae ស្លន់ស្លោរមិនឆ្លើយតបធ្វើឲ្យរាងក្រាសនៅខាងក្រៅឆ្ងល់ឡើងភ្លាមខ្លាចថាមានរឿងអីកើតឡើងលើរាងតូច ។
« អ្នកនាងTae កើតអីម៉េចមិនឆ្លើយចឹង? » Jungkook
« អឺខ្ញុំ...ខ្ញុំ...ចាំមួយភ្លែតសិនលោក » មិនដឹងធ្វើម៉េច Tae ក៏ទាញសក់មកពាក់ហើយទាញកន្សែងមក រុំក្បាលមួយតង់ទៀតកុំឲ្យរបូតទើបដើរទៅហើបទ្វារ ឲ្យ Jungkook ឃើញតែមុខប៉ុណ្ណោះ ។
<ក្រាក>
« អរុណសួស្ដីលោក » រាងតូចនិយាយហើយស្ញេញ ដាក់ធ្វើឲ្យ Jungkook អស់បារម្ភទៀត ។
« អ្នកនាងក្របើកទ្វារម្ល៉េះ? ខ្ញុំបារម្ភស្មានតែមានរឿងអីទៅហើយ » Jungkook
« គឺយប់មិញនិយាយទូរស័ព្ទជាមួយម៉ាក់យូរពេកទើបបានជាចូលគេងយឺតហើយក៏...គេងទ្រមក់ចឹងទៅ ហិហិ » Tae សើចតិចៗ រាងក្រាសឃើញហើយកាន់តែក្នាញ់រឹតតែស្រឡាញ់លើសដើម ។
« អ៎ចឹងនាងទៅគេងវិញទៅកុំឲ្យអត់ងងុយ » Jungkook
« មិនអីទេតែថាលោកមករកខ្ញុំមានការអីឬ? » Tae
« ខ្ញុំគិតថាមកបបួលនាងទៅហាត់ប្រាណជាមួយគ្នាតែមិនអីទេនាងគេងវិញចុះ ចាំម៉ោង8ពួកយើងទៅ រៀបចំថ្នាក់រៀនជាមួយគ្នា » Jungkook
« អ៎ចា៎ » Tae
« អ៊ីចឹងខ្ញុំទៅហើយ » Jungkook ក៏ចេញទៅរត់ហាត់ប្រាណឯរាងតូចបិទទ្វារបន្ទប់ហើយក៏ទៅទម្លាក់ខ្លួនដេកបន្តទៀតទាល់ែឆ្អែតទើបចាប់ផ្ដើមងូតទឹក ហើយតែងខ្លួនជាមនុស្សស្រីម្ដងទៀត ។
