_ រសៀលបន្តិច Jungkook ក៏បើកឡាននាំរាងតូច មកកាន់ទីរួមខេត្តដែលឆ្ងាយពីភូមិរៀងគួរសមដែរ ពេលមកដល់ក៏សំដៅទៅរោងបោះពុម្ពសៀវភៅតែម្ដង ។
« សួស្ដី ខ្ញុំចង់បោះពុម្ពសៀវភៅ » Jungkook
« យកប៉ុន្មានដែរលោក? » Boy
« យកពីរមុខ មួយមុខៗយកម្ភៃក្បាល » Jungkook
« ត្រូវការអ្វីផ្សេងទៀតដែរទេ? » Boy
« អ្ហឹម...សុំសៀវភៅសរសេរហាសិបក្បាលហើយនិងសម្ភារៈសម្រាប់សិក្សាមួយឈុតទៀត » Tae និយាយឡើងមុនរាងក្រាសទៅទៀតទើប Boy កត់ ទុកហើយដើរចូលទៅខាងក្នុង មួយសន្ទុះក៏មកវិញ ។
« លោក!! ពេលនេះម៉ាស៊ីនខូចតិចតួចត្រូវចាំទាល់ តែល្ងាចម៉ោងប្រហែលជា7ទើបបោះពុម្ពរបស់លោក រួច លោកអាចអង្គុយចាំសិនឬក៏មកយកនៅថ្ងៃស្អែកក៏បានដែរ » Boy
« អ៎ចឹងល្ងាចនេះខ្ញុំមកយកចុះ អរគុណ » Jungkook និងរាងតូចក៏ចេញពីកន្លែងនោះវិញ ។
« នៅសល់ពេលច្រើន Tae ចង់ទៅញ៊ាំអីសិនឬអត់? ទីនេះមានរបស់ឆ្ងាញ់ៗច្រើនណាស់ » Jungkook បបួលទើប Tae បើកមើលកាបូបសិន ។
« ខ្ញុំថាកុំអីល្អជាង លុយខ្ញុំសល់មិនច្រើនទេទុកឲ្យថ្លៃសៀវភៅគេវិញ » Tae
« នេះអ្នកនាងចង់ចេញលុយខ្លួនឯងបោះពុម្ពសៀវភៅចឹងហ្អេ៎? » Jungkook សួរទាំងឆ្ងល់
តាមធម្មតាអ្នកដទៃច្បាស់ជាឲ្យនាយចេញថ្លៃមិនខានទេព្រោះគេជាមេភូមិមានភារកិច្ចនេះស្រាប់ហើយចម្លែកអីតែរាងតូចម្នាក់នេះបែរជាគិតចង់ចេញលុយខ្លួនឯងទៅវិញ ។
« មានបញ្ហាអីទៅលោក? ខ្ញុំជាអ្នកចង់បោះពុម្ពខ្លួន ឯងត្រូវតែចេញលុយខ្លួនឯងចឹងស្រាប់ហើយ » Tae
« អ៎...អ៊ីចឹងអញ្ចេះចុះ ពួកយើងដើរមើលគេលេងៗក៏បានដែរក្រែងលោមានរបស់អីដែល Tae ត្រូវចិត្ត ចាំខ្ញុំទិញឲ្យ » Jungkook
« អេ៎មិនសមទេដឹងលោក » មិនចាំឲ្យតវ៉ាទាន់
រាងក្រាសក៏កាន់ដៃ Tae ដើរចូលទៅក្នុងផ្សារមើលអ្វីផ្សេងៗជារឿយៗ ។ ដើរសុខៗ Jungkook ស្រាប់តែ ប្រទាក់ភ្នែកនឹងពួកដង្កៀបបូរសក់ស្អាតៗតាំងយ៉ាងច្រើនក៏ទាញដៃរាងតូចចូលទៅតែម្ដង ។
