_ ក្រោយមានបញ្ហាហើយ Jungkook ក៏មកអង្គុយសំកុកម្នាក់ឯងទាំងឈឺខ្លួនហើយនៅធ្វើឲ្យរាងតូចដែលគេស្រឡាញ់ខ្លាំងបំផុតយំព្រោះតែភាពឆោត ល្ងង់មួយពេលរបស់គេទៅវិញ ខណៈនោះអ្នកដែលជាមេបញ្ហាក៏ដើរចូលមករកនាយទាំងមានកាន់ប្រអប់ថ្នាំមកជាមួយផងដែរ ។
« បងKook បែរមកខ្ញុំលាបថ្នាំឲ្យ » Yarin នាងខំ ហៅតែរាងក្រាសមិនធ្វើតាម ក្នុងចិត្តកំពុងតែខឹងហើយស្អប់នាងលើសអ្វីៗទៅទៀតធ្វើឲ្យនាងក្រមុំកើតក្ដីគុំគួនឡើងមកភ្លាម ។
« គ្រាន់តែប៉ុណ្ណឹងសោះ បងចាំបាច់ទៅខូចចិត្តធ្វើអី? បងនៅមានខ្ញុំ ពួកយើងរៀបការជាមួយគ្នាយូរទៅគង់តែស្រឡាញ់គ្នាហើយបងក៏បានភ្លេចវាដែរ អួយ៎!! » នាងស្រែកចាចភ្លាមពេល Jungkook ស្រាប់តែងាក មកចាប់ដើមដៃនាងច្របាច់ខ្លាំង ដឹងទេថាគេស្អប់ហើយខ្ពើមទង្វើរបស់នាងយ៉ាងណា ឲ្យរៀបការចឹងឬ? បញ្ជូនគេទៅស្លាប់ល្អជាង ។
« មនុស្សដូចនាងពិសពុល គួរឲ្យខ្លាចណាស់ Yarin ខ្ញុំមិនគួរណាមកទុកចិត្តពស់វែកដូចជានាងនោះទេ » សម្ដីរបស់គេចាក់ឆ្កៀលខួរនាងក្រមុំឲ្យលឺហើយបែរជាសើចឌឺដងមកកាន់នាយទៅវិញ ។
« ហុឹសពស់វែកចឹងហ្អេ៎? ក្រែងពស់វែកនេះហើយដែលជាគូដណ្ដឹងរៀបការជាមួយបងនោះអី » Yarin
« កុំសង្ឃឹមឲ្យសោះ ទោះបីជាខ្ញុំនិង Tae បែកគ្នា ក៏ខ្ញុំគ្មានថ្ងៃយកខ្លួនមកបៀតជាមួយមនុស្សស្រីដូចនាង នោះដែរចាំទុកទៅ » Jungkook ពោលបញ្ជាក់ ប្រាប់ដោយក្រសែរភ្នែកស្អប់ខ្ពើមមុននឹងរុញនាងទៅ លើពូកហើយចាកចេញទៅខាងក្រៅ មិនចឹងទេគេអាចនឹងអស់ភាពជាមនុស្សប្រុសធ្វើអ្វីឆេវឆាវចំពោះនាងជាមិនខាន ។
« ចាំមើលទៅថាបងនិងខ្ញុំ អ្នកណាជាអ្នកឈ្នះ » Yarin ពោលទាំងទឹកភ្នែកស្រក់ម៉ាត់ៗ ដៃក្ដាប់ខ្ញាំកម្រាលពូកព្រោះតែភាពខឹងសម្បារនិងភាពជាអ្នក ដែលមិនធ្លាប់ចាញ់របស់នាង អ្វីដែលនាងចង់បានគឺត្រូវតែបានមិនថាត្រូវប្ដូរជាមួយនឹងអ្វីក៏ដោយ ។
@New Day
_ Jungkook បានបើកឡានមករករាងតូចតាំងពី ព្រលឹមអុលព្រោះដើម្បីចង់ផ្សះផ្សារគ្នាវិញតែពេលមកដល់ក៏បានជួប Namjoon ដែលរៀបចំខ្លួនចេញដំណើរទៅធ្វើការល្មម ។