« ក្មេងៗនាំគ្នាយកលំហាត់នេះទៅធ្វើនៅផ្ទះចុះស្អែកនេះយកមកឲ្យអ្នកគ្រូវិញណា៎ » Tae ដាក់កិច្ចការផ្ទះក្រោយបង្រៀនចប់ ។
« បាទ/ចា៎ »
« ក្មេងៗទៅផ្ទះបានហើយ » ក្រោយបានការអនុញ្ញាតពួកគេក៏នាំគ្នាចេញទៅផ្ទះអស់រួមទាំង Yesoung ផងដែរនៅសល់តែ Bensou និង Suji ដែលដើរមករករាងតូច ។
« មីងស្អាត យប់នេះទៅលេងបុណ្យនៅចុងភូមិដែរឬអត់បាទ? » Bensou
« បុណ្យ? បុណ្យអីទៅមីងមិនដឹងផង » Tae
« គឺបុណ្យដែលបងរៀបចំឡើងដើម្បីអបអរខែច្រូតស្រូវហើយនោះអី » Jungkook និយាយស្រប ពេលដើរចូលមកល្មម ។
« ពូមេភូមិ!! » Suji
« ចុះម៉េចមិនប្រាប់ខ្ញុំផង? » Tae
« ក៏...គិតថាមកបបួលពេលនេះហើយ ទៅជាមួយគ្នាទៅណា៎ » Jungkook
« តែយប់នេះខ្ញុំចង់រៀបចំវិញ្ញាសារប្រឡងឲ្យក្មេងៗ សង្ស័យតែរវល់ហើយ » Tae
« ទៅៗណា៎អ្នកមីង មួយឆ្នាំពូមេភូមិធ្វើតែម្ដងទេ » Suji ចាប់ដៃរាងតូចបែបរំអុកឲ្យទៅឯ Bensou ក៏ចាប់ដៃគេម្ខាងទៀតដូចគ្នា ។
« យប់នេះដឹងតែសប្បាយហើយណា៎មីងស្អាត
ទៅៗណា៎ចាំខ្ញុំបណ្ដើរមីងទៅអួតគេ » លឺ Bensou ថាចង់បណ្ដើរសង្សាររបស់ខ្លួនឯង Jungkook ក៏ប្រញាប់ទាញដៃ Tae មកកាន់ខ្លួនឯងវិញភ្លាម ។
« នែ៎ៗ Bensou!! ជាក្មេងធ្វើបែបហ្នឹងមិនល្អទេ » Jungkook បញ្ចេញឬកហួងហែងធ្វើឲ្យរាងតូចអស់សំណើចតែម្ដង នេះសូម្បីក្មេងក៏គេមិនលើកលែងឲ្យដែរ ។
« បានហើយៗ ខ្ញុំទៅក៏បានដែរ » Tae
« យេ៎!!! » ក្មេងទាំងពីរស្រែកហ៊ោឡើងទាំងសប្បាយចិត្តឯ Tae និង Jungkook ក៏សប្បាយចិត្តដូចគ្នាដែរ ពិធីបុណ្យយប់នេះដូចតែរាល់ឆ្នាំចឹងគឺមានល្បែងកម្សាន្តជាច្រើនដែលរាងក្រាសជួលពីទីរួម
ខេត្តមកដើម្បីឲ្យអ្នកភូមិបានសប្បាយរីករាយក្រោយ ហត់នឿយក្នុងការច្រូតកាត់ប្រមូលផលស្រូវរួចរាល់ ។
_ ពេលយប់មកដល់ Jungkook ក៏បានបណ្ដើររាងតូចមកកាន់ពិធីបុណ្យ គ្រប់គ្នាក៏សម្លឹងមើលហើយ ស្ងើចសរសើរនឹងសម្រស់របស់ក្រមុំទីក្រុងម្នាក់នេះព្រោះនាងស្អាតហើយគួរឲ្យស្រឡាញ់ទៀតផង ។
