Unicode
"ဒီနေ့ကိုယ်တို့မြေသွားကြည့်ရအောင်အချစ် ကိုယ်လည်းအားတယ်ဆိုတော့"
တိမ်စိုင်ပဲပြားလှီးနေသည့်ဘေး ရစ်သီရစ်သီနှင့် ရွှေစွန်ညိုတစ်ကောင်လို ဂျွန်တဝဲဝဲလည်နေသည်။
"အခုတည်းကကြည့်တော့မလို့လား"
စဉ်းတီတုံးပေါ်ဓားသွားထောက်လိုက်တော့ လက်မဝက်စာပဲပြားတစ်ပြား တုံတုံအိအိနှင့်ဓားဘေးသို့အလွှာလိုက်ကျလာသည်။
"အင်း အခုကြည့်ထားမှပိတ်ရက်ပြီးသွားရင်အချစ်ဆိုင်လေးအသင့်ဖြစ်နေမှာပေါ့"
"ကို့သဘော ကိုသွားမယ်ဆိုလည်းသွားကြတာပေါ့ ဒါေပမယ့်ကို့ကားမှအိမ်မှာမရှိတာ"
ဂျွန်ဘေးစင်နားတွင်လက်တစ်ဖက်ထောက်ကာ ခန္ဓာကိုယ်တစ်ခြမ်းမှီ၍ သူ့ကားကိုမင်းအိုင်ယူသွားတာကြောင့် နည်းတစ်မျိုးပြောင်းကာစဉ်းစားနေသည်။
"ရပါတယ် အဖေ့ကားငှားသွားလိုက်မယ် ဘာမှမဖြစ်ဘူး"
ထောက်ထားသည့်လက်၏လက်ကောက်ဝတ်အား အကျီတစ်ဝက်ခေါက်တင်ထားသောအခြားတစ်ဖက်ဖြင့်ကိုင်ထားကာ အမြဲတစေကြည့်လေ့ရှိသည့်မျက်ဝန်းလေးများနှင့်။
"မြေကရောအသင့်ရှိပြီးသားလား"
ပန်းနုရောင်သန်းသောလက်ထိပ်နုနုတို့ဖြင့် ပဲပြားကိုင်ကာပန်းကန်ပြားထဲထည့်လိုက်သည်။
"အင်း အချစ်ပြောကတည်းကကိုယ်နေရာရှာထားပြီးသား နောက်ပြီးပွဲစားတွေလည်းရှိတယ် သူတို့နဲ့စကားပြောကြည့်ရမှာပေါ့"
နေပြည်တော်ကိုသွားရမှာကလည်းရှိသေးတော့ မြေအရင်ဝယ်ထားကာမှ တိမ်စိုင်ဖြစ်ချင်သည့်ဆန္ဒပြည့်ဝရမည်။ထို့ကြောင့် မြန်မြန်သာအကောင်အထည်ဖော်ပြီး တိမ်စိုင့်ကိုပျော်ရွှင်သထက်ပျော်ရွှင်အောင်လုပ်ပေးချင်နေပြီ။
"သားလေးကိုခေါ်သွားကြမယ်နော် အပြင်မထွက်တာကြာတော့သားလေးလည်းလိုက်ချင်နေလောက်တယ်"
ပဲပြားပန်းကန်ကိုဘေးကပ်လိုက်ပြီး ဂျွန့်နားကဘေစင်ဆီသွားကာ လက်နှစ်ဖက်ကိုပွတ်ဆေးသည်။
YOU ARE READING
တိမ်စိုင်ငယ်လို
Romanceငြိမ့်ငြိမ့်လေးသွားတဲ့ ပျော်စရာဇာတ်လမ်းလေးတစ်ပုဒ်မို့ ဝင်ရောက်စီးမျောရင်း ဘဝအမောတွေပြေနိုင်ကြပါစေ။ Starting date_ 31.8.20 Ending date_15.11.20
