Unicode
ဂျွန်တို့သံုးနှစ်ယောက် မနက်စာစားပြီးကြသဖြင့် ဟိုတယ်ထဲမှထွက်ကာ အန်ကယ်မိုးတို့အိမ်နားက ပန်းစိုက်ခင်းဆီေရာက်လာကြသည်။
အနီရောင်၊အဝါရောင်၊အဖြူရောင် မေမြို့ပန်းများ တစ်ခင်းစီပွင့်လန်းနေကြသည့်ပုံမှာ ရောင်စုံလိပ်ပြာကလေးများမြေပြင်ပေါ်ဖြတ်သန်းနေကြသကဲ့သို့ အေရာင်အေသွးစံုလင်လို့နေသည်။မနေ့တစ်နေ့ကအတိုင်း မြူနှင်းများမှာလည်း ပန်းခင်းတို့ထက်တွင်အခိုးဝေနေသည်။
နှင်းစက်တို့တင်နေသောပန်းပွင့်ဖတ်ကလေးများမှာ မတို့တက်၊မထိရက်လောက်အောင် အင်မတန်လှပနေသည်။ပြင်ဦးလွင်တွင်ေနရမည့် နောက်ဆုံးသောရက်ဖြစ်သည်မို့ထင်သည် ဤရှုမျှော်ခင်းများအား မျက်စိပင်မလွှဲနိုင်ခဲ့ပေ။
"အချစ် ကိုယ်တို့ အန်ကယ်မိုးအတွက် ပန်းဝယ်သွားရင်ကောင်းမလား အန်ကယ်မိုးသမီးလည်းမန္တလေးကပြန်ရောက်ပြီဆိုတော့ ဘုရားပန်းအေနနဲ့ကပ်လို့ရအောင်လေ"
ဂျွန်လက်နှစ်ဖက်ကိုနောက်ပြန်ထားကာ ပန်းခင်း၏ေရှ့တိမ်စိုင်နှင့်ဝူဝူ့ဘေးတွင်မတ်တတ်ရပ်နေသည်။
"ကောင်းသားပဲဗျ ကျွန်တော်တို့လည်းကုသိုလ်ရတာပေါ့"
"ဖေဖေ ဒါယေးဝယ်"
ဝူဝူ အနီရောင်မေမြို့ပန်းခင်းကိုလက်ညှိုးထိုးကာပြနေသည်။
"ဖေ့သားလေးရွေးတတ်တယ် အဲ့ဒီ့အနီေရာင်ပန်းလေးေတွကလေ ထာဝရမပြောင်းလဲတဲ့သံယောဇဉ်လို့အဓိပ္ပာယ်ဖွင့်ဆိုလို့ရတယ်သားရဲ့"
ဂျွန်ဆောင့်ကြောင့်ထိုင်ချလိုက်ပြီး တိမ်စိုင့်ရှေ့မှာရပ်နေတဲ့ဝူဝူလေးကို ပန်းပွင့်အကြောင်းရှင်းပြပေးသည်။
"အဲ့တာဆိုပိုသင့်တော်တာပေါ့ အန်ကယ်မိုးနဲ့ကိုတို့ရဲ့ နှစ်တွေအကြာကြီးခင်မင်ခဲ့တာကို ရည်ညွှန်းပြီးပေးလို့ရတယ်"
သားကလည်းအရွေးတော်၊တိမ်စိုင်ကလည်းအပြောတတ်တော့ ဂျွန်ထိုအနီရောင်မေမြို့ပန်းကိုသာရွေးချယ်လိုက်သည်။
ပန်းတွေကို ထင်းစည်းတစ်စည်းစာလောက်ဝယ်လာခဲ့ပြီး ဂျွန်လက်တစ်ဖက်နှင့်သယ်ကာ ကျန်တစ်ဖက်တွင်တော့ဝူဝူ့လက်ကိုကိုင်ထားသည်။
YOU ARE READING
တိမ်စိုင်ငယ်လို
Romanceငြိမ့်ငြိမ့်လေးသွားတဲ့ ပျော်စရာဇာတ်လမ်းလေးတစ်ပုဒ်မို့ ဝင်ရောက်စီးမျောရင်း ဘဝအမောတွေပြေနိုင်ကြပါစေ။ Starting date_ 31.8.20 Ending date_15.11.20
