Unicode
"ဝူဝူအိပ်သွားပြီလား"
"ဟုတ်ကဲ့အန်တီခင် ကလေးဆိုတော့ ကစားပြီးတာနဲ့အိပ်ပျော်သွားတော့တာပဲဗျာ"
ဆိုဖာပေါ်မှာထိုင်နေသည့်တိမ်စိုင်၏ပေါင်ပေါ်တွင် ခေါင်းလေးချလျက် ဘေးတစောင်းအိပ်ပျော်နေသောဝူဝူ။အန်တီခင်နဲ့ဖြူသွယ် အိမ်မှုကိစ္စတွေလုပ်ပြီး နောက်ဖေးကနေထွက်လာကာ တိမ်စိုင့်ရှေ့ခုံမှာဝင်ထိုင်ကြသည်။
"အရင်ကငြိမ်ငြိမ်နေတာမဟုတ်ဘူး အိမ်မှာတောက်တောက်တောက်တောက်နဲ့ လျှောက်သွားနေတာ တီခင်မနည်းလိုက်ထိန်းရတယ်"
ခေါင်းအသာအယာယမ်းကာ ဖြေနေသည့်အန်တီခင်။ဖြူသွယ်ကတော့ ဘေးမှာစာအုပ်တစ်အုပ်ဖတ်ကာထိုင်နေသည်။
"အော်...အဲ့လိုလေးလား ကျွန်တော်နဲ့ကျတော့ စတွေ့ကတည်းက ဝူဝူကအိပ်ပဲအိပ်နေတော့တာ ကျွန်တော့်ပေါ်မှာဆိုအိပ်လို့ကောင်းတယ်ထင်တယ်"
"ဟုတ်မယ် ဟုတ်မယ် မွေးကတည်းကေလ ဒီကလေးလေးကအချီခံရတာသိပ်ကိုကြိုက်တာကွဲ့ ခုတိမ်စိုင်က ခဏခဏချီပေးေနတာမို့သူသဘောကျတာထင်တယ်"
"ဟုတ်လောက်တယ်ဗျ"
တိမ်စိုင်ပေါင်ပေါ်မှာအိပ်နေတဲ့ ဝူဝူရဲ့ခေါင်းလုံးလုံးလေးကို ပွတ်ရင်းပြောသည်။
"အန်တီခင် သတင်းကျွတ်ကဘယ်တော့လဲ"
ဖြူသွယ်ခုံပေါ်မှာ တင်ပျဥ်ခွေထိုင်နေရာမှ ခြေထောက်ကိုချလိုက်ပြီး လက်ထဲကစာအုပ်ကိုဖတ်ကနဲပိတ်ကာ ထမေးသည်။
"ဒီလ ၃၁ ရက်နေ့လေ ဘာဖြစ်လို့လဲ"
"ဒါဆို သမီး နိဗ္ဗာန်ဈေးတိုးရအုံးမှာပေါ့ ပျော်လိုက်တာ"
လက်ဖဝါးကို အဖျားလေးခတ်တီးနေတာ အတော်ပျော်နေသည့်ပုံ။တိမ်စိုင်ကတော့ဘာမှဝင်မပြော ဖြူသွယ်တို့ကိုသာထိုင်ကြည့်နေသည်။
"ဟဲ့ နင်ဂေါက်ပြန်ပြီ"
အန်တီခင် ဖြူသွယ့်ခေါင်းကို လက်ဆစ်နဲ့ဂေါက်ကနဲခေါက်လိုက်တော့ ဖြူသွယ်ဆွေ့ဆွေ့ခုန်သွားသည်။
"အ...နာတယ် အန်တီခင်ရဲ့ သမီးကိုဘာလို့ေခါင်းခေါက်တာလဲ"
"နိဗ္ဗာန်ဈေး သတင်းကျွတ်မှာလုပ်တာနင်မြင်ဖူးလို့လား တန်ဆောင်တိုင်ရောက်မှလုပ်တာလေ"
YOU ARE READING
တိမ်စိုင်ငယ်လို
Romanceငြိမ့်ငြိမ့်လေးသွားတဲ့ ပျော်စရာဇာတ်လမ်းလေးတစ်ပုဒ်မို့ ဝင်ရောက်စီးမျောရင်း ဘဝအမောတွေပြေနိုင်ကြပါစေ။ Starting date_ 31.8.20 Ending date_15.11.20
