Unicode
ဂျွန်တို့တိမ်စိုင့်အိမ်ကနေပြန်လာပြီး အိမ်ရှေ့လမ်းထဲကို ကားအဝင် ခြံရှေ့မှာရပ်နေသည့်ကောင်လေးတစ်ယောက်ကြောင့် ကိုမင်းအိုင်ကို ဂျွန်ချက်ချင်းကားရပ်ခိုင်းလိုက်သည်။
ကျောခိုင်းထားတဲ့ကောင်လေးကိုမြင်တာနဲ့ ဂျွန့်ရင်ထဲဒိတ်ကနဲဖြစ်သွားသည်။ဒီကျောပြင်လေးကို သူမှတ်မိသည်။တစ်ခေါက်မြင်ပြီးရင် ဘယ်တော့မှမမေ့နိုင်လောက်မယ့်ကျောပြင်လေးဖြစ်တာေကြာင့် ဂျွန်ပဲမှတ်မိတာမဟုတ် ဝူဝူလေးလည်းမှတ်မိသည်။တိမ်စိုင်ရပ်နေတာကိုတွေ့တွေ့ချင်းမှာပဲ။
"ဖေဖေ ဟိုမှာကိုကို"
"ဟုတ်တယ်သား ကိုကိုဖေဖေတို့ဆီကိုရောက်လာပြီ"
"အောက်ကိုချင်းမယ်"
ဝူဝူတောင်းဆိုလာတာကြောင့် ဂျွန်ဘေးတံခါးကိုဖွင့်ပေးလိုက်ပြီးကလေးကိုလွှတ်လိုက်သည်။သတိရေနချိန်မှာဆိုက်ဆိုက်မြိုက်မြိုက်ရောက်လာတဲ့ တိမ်စိုင်။ဒီကောင်လေးကြောင့်ပဲ မျက်ခုံးတွန့်လေးပြေလျော့သွားရပြန်ပြီ။
____________________
အိမ်ရှေ့ပိတ်ရပ်လာသော crown ကားအဖြူရောင်၏ကားတံခါးပွင့်လာပြီး တိုင်နားကပ်နေသည့်တိမ်စိုင်ဆီသို့ ဝူဝူလေးပြေးဆင်းလာသည်။
"ကိုကို......"
ချစ်စရာကောင်းသောကလေးငယ်လေး၏ ကိုကိုဆိုသောခေါ်သံမှာအေးစက်နေသည့်တိမ်စိုင့်နှလုံးသားကို လှိုက်ကနဲနွေးသွားစေသည်။သူ့ဆီကိုဦးတည်ပြီးလာနေတဲ့ဝူဝူ့ရဲ့ပံုစံေလးက လမ်းပေါ်မှာ ပုလဲလုံးလေးတစ်လုံးလိမ့်လာသကဲ့သို့။
တိမ်စိုင်ရဲ့ညှိုးနွမ်းနေတဲ့မျက်နှာက ဒီကလေးလေးကြောင့် အပြုံးတစ်ခုထွန်းလင်းသွားခဲ့ရသည်။ပုလဲလုံးလေး ဝူဝူ့ကိုတိမ်စိုင်ကောက်ချီလိုက်ချိန် ဂျွန်ကားထဲကငေးကြည့်နေရသည်။သူဆင်းလာချင်လည်း သူ့ရဲ့ခြေထောက်တွေကစကားမှနားမထောင်ဘဲ။
"ဝူဝူ သားလေး"
"ဝူဝူက ကိုကို့ကိုလွမ်းနေယာ"
"ကိုကိုလည်းလွမ်းပါတယ် ဒါနဲ့သားဖေဖေကော"
"ဖေဖေကားထဲမှာရှိယယ် ဖေဖေယဲကိုကို့ကိုလွမ်းနေယာ"
ESTÁS LEYENDO
တိမ်စိုင်ငယ်လို
Romanceငြိမ့်ငြိမ့်လေးသွားတဲ့ ပျော်စရာဇာတ်လမ်းလေးတစ်ပုဒ်မို့ ဝင်ရောက်စီးမျောရင်း ဘဝအမောတွေပြေနိုင်ကြပါစေ။ Starting date_ 31.8.20 Ending date_15.11.20
