𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

𝐓𝐡𝐢𝐬 𝐋𝐨𝐯𝐞 .........2

Unicode

ဘာလိုလိုနဲ့ Jeon Jungkook ရဲ့အကူအညီနဲ့သူ့အိမ်မှာ Taehyung အလုပ်လုပ်​နေတာ တစ်လနီးပါး​​တောင်ရှိ​နေပြီ။ဒီအ​တောအတွင်းမှာ  Seyeon နဲ့ပြန်ပြီး အဆက်အသွယ်လုပ်မိသလို အရင်လိုပဲ သူတို့နှစ်​ယောက် ​ပြေလည်သွားခဲ့သည်။

Seyeon နဲ့ဆက်တွဲ​​နေတာက နှစ်​ယောက်လုံးအတွက် အကျိုးမရှိဘူးဆိုတာကို Taehyung နားလည်​ပေမယ့် Seyeon နဲ့သူကြိုက်လာတာက နှစ်​တွေအများကြီးရှိခဲ့ပြီ​လေ။

ချစ်သူမဖြစ်ခင်တုန်းကလဲ သူငယ်ချင်းအ​နေနဲ့ အကြာကြီး​နေခဲ့သလို ​နေတဲ့​နေရာချင်းကလဲ သိပ်မ​ဝေးကြတာကြောင့် သူတို့နှစ်​ယောက်ရဲ့ အ​​ကြောင်းကို Seyeon ရဲ့မိဘ​တွေက သိပြီးသား​တွေဖြစ်နေသည်။

Seyeon ​ကြောင့် သူ့ဘဝကပိုပြီး စိတ်ရှုပ်ဖို့​ကောင်းလာတာကို သိ​ပေမယ့်နှစ်​တွေအများကြီး ခင်တွယ်လာတဲ့ သံ​ယောဇဥ်ကို ​ထောက်ရင်းသူတို့နှစ်​ယောက်ရဲ့ ယိုင်နဲ့နဲ့ အချစ်ခရီးလမ်းကို ဆက်လျှောက်ဖို့လုပ်လိုက်သည်။

ပြီး​တော့သူ့ကိုရိုက်သွားတဲ့ Jison ဆိုတဲ့​ကောင်နဲ့လဲ ​နောက်ဘယ်​သောအခါမှ မပတ်သတ်ဘူးဆိုတဲ့ ကတိကို​ပေးလာတဲ့ Seyeon ​ကြောင့် ဒီတစ်​ခေါက်ကို ​နောက်ဆုံးအ​နေနဲ့ ခွင့်လွှတ်ဖို့ Taehyung စဥ်းစားမိသည်။

ခြံထဲကပန်းပင်​တွေကို ​ရေ​ဖြန်းရင်း Taehyung ​တွေးမိသည်က သူ့အသက်ကိုကယ်​ပေးရုံသာမက အလုပ်ပါ​ကောင်း​ကောင်း​ပေးထားတဲ့ Jeon Jungkook ရဲ့အ​ကြောင်းကို။

ခြံထဲမှာအလုပ်သမား​တွေ အကုန်လုံးက သူ့အလုပ်နဲ့သူ ရှိပြီးသားမလို့ သူ့အလုပ်က ​တောက်တိုမည်ရ အမည်ခံပြီး လုပ်ဖို့လို​နေတဲ့တချို့အလုပ်​လေး​တွေကို ဖြည့်လုပ်​ပေးရရုံကလွဲပြီး ဘာမှ​ထွေ​ထွေထူးထူးမရှိ​ပေ။

​အတိအကျ​ပြောရရင် ဘာမှမလုပ်ရဘူးလို့​တောင် ​​ပြောလို့ရသည်။ အခုပန်းပင်​တွေ ​ရေ​ဖြန်းနေတာ​တောင် သူ့ဘာသူ​ဖြန်းချင်လို့ လုပ်​နေတာ။ သူ့ကိုဘယ်သူကမှ ဘာလုပ်​ပေးပါဆိုပြီး မ​ပြောကြ။

လစာကျ​တော့ အရင်လုပ်ခဲ့တဲ့ ​နေရာထက်အများကြီး​ပေးထားသည်။ သူ​ဌေးအိမ်မှာလုပ်တဲ့အလုပ်နဲ့ အရင်တုန်းက သူလုပ်ခဲ့တဲ့အလုပ်က လစာသိပ်မခြားဘူးလို့ ထင်ထား​ပေမယ့် အခု​တော့အများကြီး ကွာခြား​နေသည်။