𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

𝗬𝗼𝘂 𝗱𝗼𝗻'𝘁 𝗸𝗻𝗼𝘄 𝗺𝗲 • 4

𝐔𝐍𝐈𝐂𝐎𝐃𝐄

မ​နက်အ​စောပိုင်းမှာ ကြားခဲ့ရသည့်အ​ကြောင်းအရာ​တွေ​ကြောင့် ဒီ​နေ့တစ်မ​နက်လုံး Taehyung ခမျာမှိုင်မှိုင်​တွေ​တွေဖြစ်​နေရပြန်သည်။ အစ်ကိုနဲ့ပတ်သတ်လာရင် သူကခံစားလွယ်လွန်းပါသည်။ အစ်ကိုကသာသူ့ကို ​ပေါ့ပျတ်ပျတ်​ကောင်​လေးတစ်​ယောက်ဆိုပြီး သတ်မှတ်ထားတာ၊ အစ်ကိုနဲ့ပတ်သတ်ရင် ​လေး​လေးနက်နက်​တွေးလွန်းတာက​တော့ သူ့ကိုဘယ်သူမှမီမည်မဟုတ်။

အစ်ကိုက Junghee ဆိုတဲ့အစ်မကို ​ပြောတဲ့​လေသံ၊စကားသံက နူးညံ့လိုက်တာ။ ခါတိုင်းသူ့ကိုဆက်ဆံ​ပြောဆိုပုံနဲ့​တော့ တခြားစီပင်။

အစ်ကို့ရဲ့ခွဲခြားဆက်ဆံမှု အ​ကြောင်းကို​တွေးမိ​တော့ Taehyung ငိုချင်မိသွားသည်။ တကယ်တမ်းကျ Jungkook ရဲ့​​ပြောဆိုဆက်ဆံပုံက သူနဲ့​ပြောတဲ့အတိုင်းပင်။ ဘာမှထူးခြားပြီး​ပြောင်းလဲသွားတာရယ်လို့မရှိ။ သူကသာ အစိုးရိမ်လွန်ပြီး သံသယ​တွေများ​နေရတာပင်။

သူ့ကိုနူးညံ့စွာ​ပြော​နေသည့် Jungkook ရဲ့စကား​တွေကိုလဲ Taehyung အ​သေအချာမသိနိုင်​တော့​ပေ။

တခြားသူကိုသာ အစ်ကိုက​ကောင်း​ကောင်းမွန်မွန်ဆက်ဆံ​နေသည်ဟု အ​တွေးက​ရောက်လို့​နေသည်။

ခါတိုင်းဆိုချည်ပန်းထိုးတဲ့အချိန်တိုင်း မျက်လုံး​လေးပြူးဝိုင်းကာ စိတ်ပါဝင်စားရှိလှသည့် Taehyung ဟာဒီ​နေ့​တော့ စိတ်မပါလက်မပါဖြစ်​နေသည်မို့လို့ တစ်ခုခုဖြစ်​နေပြီမှန်း Yura တစ်​ယောက်ရိပ်စားမိလိုက်သည်။

​ခါတိုင်း Jungkook ကနှိပ်စက်သမျှအချိန်​တွေအားလုံးမှာ အပြုံးမပျက်သည်းခံခဲ့တဲ့ Taehyung ရဲ့မျက်နှာဟာ သိသိသာသာကိုညှိုးနွမ်းလို့​နေသည်မို့လို့ သာမန်ပြဿနာမဟုတ်မှန်းရိပ်မိ​နေပါသည်။ က​လေးလွယ်ထားရတာမလို့ အရင်ကထက်စိတ်ထားနု​နယ်​နေမယ့် Taehyung ကိုအခုလိုအားပျက်သွား​အောင် လုပ်နိုင်တဲ့အရာကဘာများဖြစ်​နေနိုင်လဲ။

အခု​နောက်ပိုင်း Jungkook ဆီက​နေ ဂရုစိုက်မှု​တွေခံခဲ့ရလို့ ​တောက်​လျှောက်​ပျော်​နေခဲ့တဲ့ Taehyung ရဲ့မျက်နှာ​လေးက ဘာလို့ဒီ​နေ့မှ မသာမယာဖြစ်​နေရတာလဲ။ အခုလိုဖြစ်​နေတာ​ကိုမြင်​တော့ သူစိတ်မ​ကောင်းမိ။