𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

ᑌᑎᑕᒪᗴ Tᗩᗴ Tᗩᗴ - 3

Unicode

လက်ထဲကရုပ်​ပြောင်ပန်းချီကား​လေး​တွေကိုကြည့်ကာ ​ကျေနပ်​နေတဲ့ Taehyung ငယ်။ သူတစ်​ယောက်တည်းရုပ်​ပြောင်ပန်းချီအဆွဲခံချင်တာဆို​ပေမယ့် Jungkook ရဲ့ပန်းချီကိုလဲ လိုချင်မိတာ​ကြောင့် Jungkook ကမကြိုက်ဘူးလို့ ငြင်း​နေတဲ့ကြားထဲက မရမကကို Jungkook ရဲ့ရုပ်​ပြောင်ပန်းချီရ​အောင်လုပ်ခဲ့သည်။

"မင်းပုံကအရမ်းကြည့်လို့​ကောင်း​နေတယ်။ ရုပ်​ပြောင်ဆွဲထားတာ​တောင် ကြည့်လို့​ကောင်းတာ မင်းတစ်​ယောက်ပဲရှိလိမ့်မယ်။" 

ဝက်ဝံဖြူ​​လေးရဲ့​စကားသံ။ Jungkook မလုပ်ချင်တာကို အတင်းလုပ်ခိုင်းထားသည်မို့လို့ သူ့ကို Jungkook ကစိတ်ဆိုးသွားမှာ Taehyung မှာစိုးရိမ်လို့​နေသည်​လေ။ အဲ့ဒါ​ကြောင့် Jungkook စိတ်​ပြေသွား​အောင် ​​မြှောက်​ပြော​နေခြင်းပင်။ တကယ်လဲ Jungkook ရဲ့ရုပ်​ပြောင်ပုံတူက ကြည့်​ကောင်းလို့​နေပါသည်။

"မင်း​ရောဘာထူးလဲ။ ရုပ်​ပြောင်ပုံဆွဲ​ပေးတာ​တောင် မလိုအပ်ဘဲ ချစ်ဖို့အရမ်း​​ကောင်း​နေတယ်မဟုတ်ဘူးလား။"

Jungkook ရဲ့ချီးကျုးစကားသံ​ကြောင့် Taehyung ငယ်ဟာသူ့ရဲ့ပုလဲလုံးလေး​အားလုံးတွေ​ပေါ်​အောင်အထိ ပြုံးပြရှာသည်။ Jungkook ကသူ့ကိုချီးကျူးစကားပြန်​ပြောသည်ဆို​တော့ သူ့ကိုစိတ်မခု​နေမှန်း သိသာသည်​လေ။ ​ဒီကြားထဲ လမ်း​လျှောက်​နေရင်း Jungkook ရဲ့လက်​မောင်းကို သူ့ရဲ့လက်နဲ့တွယ်ချိတ်လိုက်သည့် Taehyung ငယ်။

ဒီအပြုအမူ​လေး​ကြောင့် Taehyung ဘယ်​လောက်ပဲဂျစ်တိုက်ကာဗိုလ်ကျ​နေပါ​စေ စိတ်မဆိုးတတ်တဲ့ Jungkook ဟာပိုပြီး​ကျေနပ်သွားရသည်။ ဘယ်သူ​တွေပဲကြည့်ကြည့် ချစ်သူ​တွေလို့သာ ထင်သွားနိုင်တဲ့ပုံစံမျိုး Taehyung နဲ့​နေရတာက သူ့ကိုစိတ်​ပျော်​စေသည်။

"ဒီ​နေ့ မင်း​ရောငါ​​ရော အား​နေ​တော့အချိန်​တွေအများကြီး ပို​နေ​သေးတယ်။ ဘယ်သွားချင်​​သေးလဲ။"

"ဘယ်မှမသွားဘဲနဲ့ ဒီအတိုင်း​လေးလမ်း​လျှောက်ချင်တယ်။ ဗိုက်ဆာလာရင်​တွေ့တဲ့ဆိုင်တစ်ခုမှာ ဝင်ပြီးစားကြမယ်။ ငါလမ်း​လျှောက်ရတာ​ညောင်းလာရင် မင်းကငါ့ကိုကုန်းပိုးရမယ်။ မင်းပါ​ညောင်းလာပြီဆိုရင်​တော့ အိမ်ပြန်ကြမယ်။"