𝗣𝗿𝗲𝗰𝗶𝗼𝘂𝘀 𝗟𝗼𝘃𝗲

ᑌᑎᑕᒪᗴ Tᗩᗴ Tᗩᗴ - 2

Unicode

ဒီ​နေ့က Jungkook တို့မိသားစုအိမ်​ပြောင်းတဲ့​နေ့ပင်။ အိမ်​ပြောင်းတယ်ဆို​ပေမယ့် Jungkook တို့မိသားစုကပစ္စည်းကြီးကြီးမားမားသယ်စရာမရှိ။ အဝတ်အစားနဲ့အ​ရေးကြီးပစ္စည်းအနည်းငယ်သာ သယ်စရာလိုသည်။ ပရိ​ဘောဂနဲ့ လူသုံးပစ္စည်း​တွေက Taehyung တို့ဆီမှာအသင့်ရှိပြီးသားဘဲ​လေ။

ပြီး​တော့ Jungkook တို့အခု​နေ​နေတဲ့အိမ်ကို​​ရောင်းချင်လို့​ပြောင်းတာလဲမဟုတ်ဘဲ တူအရီးနှစ်​ယောက်တည်းနေ​နေတဲ့ Taehyung တို့ဆီသိုက်သိုက်ဝန်းဝန်း​လေးဖြစ်သွား​​အောင် လာ​နေခြင်းဖြစ်သည်။ အခန်းလွတ်​တွေကလဲအများကြီးရှိသည်မို့လို့ လူချည်းဘဲ​ပြောင်း​နေရင်​တောင်​နေလို့ရသည်။

အိမ်နှစ်လုံးကလဲ နီးနီး​လေးပဲမို့လို့ Jungkook တို့အိမ်​ပြောင်းတာက နာရီဝက်​လောက်သာအချိန်ယူလိုက်ရသည်။ အခန်းအသစ်ထဲ Jungkook ကပစ္စည်း​တွေ​နေရာချ​တော့ Taehyung က​ကူလုပ်​ပေးသည်။ ဒီလိုနဲ့ဘဲ အချစ်ဆုံးလူသား​လေးနဲ့တစ်အိမ်တည်း​နေရ​တော့မှာ ​သေချာသွားပြီမို့လို့ Jungkook မှာတစ်​နေ့လုံးမျက်နှာကြီးပြုံး​နေရပြန်သည်။

Jungkook အခန်းကိုနေရာချခဲ့တုန်းက ကူညီစရာဘာမှမရှိ​ပေမယ့် ​နေ့လည်စာစားပြီးသွားတဲ့အချိန်မှာ​တော့ သူ့ကို​ရေခဲမုန့်ဝယ်​ကျွေးဖို့ Taehyung ကအ​ရေးဆိုလာခဲ့သည်။ Jungkook ကလဲမငြင်း။ သူတို့နဲ့အတူ​နေတဲ့ မိသားစုဝင်​တွေထဲမှာ Taehyung ကြီးကြီးနဲ့မမက ​ရေခဲမုန့်သိပ်မကြိုက်သလို ​ယောက်ဖလုပ်သူကလဲ အချိုအ​အေး​တွေနဲ့သိပ်မတည့်တာ​ကြောင့် နှစ်​ယောက်တည်းအပြင်ကိုထွက်လာမိသည်။

ဒါ​တောင်ရစ်လုံး​လေး Taehyung က Jungkook ကိုပဲထွက်ဝယ်ခိုင်း​သေးသည်။ အပြင်ကိုနှစ်​ယောက်အတူသွားချင်တဲ့ Jungkook ကမနည်း​ချော့ပြီး ​ခေါ်လာလို့သာအပြင်ကိုအတူလိုက်လာရခြင်းဖြစ်သည်။ အဲ့​နောက်​တော့နှစ်​ယောက်လုံး က​တော့နဲ့​ရေခဲမုန့်တစ်ခုစီကိုင်ကာ ရပ်ကွက်ပန်းခြံက ဒန်း​ပေါ်မှာထိုင်ပြီးစကား​ပြောဖြစ်ကြသည်။

Taehyung က က​တော့နဲ့​ရေခဲမုန့်ကို ခွက်နဲ့ထည့်ထားတဲ့​ရေခဲမုန့်ထက် ပိုကြိုက်သည်။ အ​ကြောင်းရင်းက​တော့ရှင်းပါသည်။​ ​ဝေဖာနဲ့လုပ်ထားတဲ့က​တော့က စားလို့ရတာ​ကြောင့်ပင်။ ဘယ်အချိန်မဆိုစားဖို့သာ အမြဲ​တွေး​နေတဲ့​ပေါက်စက စားသ​လောက်မဝတာ တကယ်ကံ​ကောင်းသည်။ ဒါ​ပေမယ့်သူချစ်ရတဲ့​ကောင်​လေးက ဖက်တီးပုပ်​လေးဖြစ်သွားရင်​တောင် Jungkook ကဆက်ချစ်​နေမှာ အ​သေအချာပင်။